Diyarname
Ji bo bîranîna Mehmed Uzun li Amed, Hewlêr, Stenbol û Stockholmê çalakiyên bîranînê têne li dar xistin.

Îsniyatîfa Dostên Mehmed Uzun, PEN’a Swêdê û Yekîtiya Nivîskarên Swêdê di 5’emîn salvegera wefata Mehmed Uzun de li çar bajaran civîn û çalakiyên bîranînê li dar dixe.

Bi însîyatîva dostên Mehmed Uzun û li ser nave PENa Swêdê û Yekitîya Nivîskarên Swêdê, dê ji bo bîranîna 5 emîn salvegera koça dawî ya Mehmed Uzun, li Hewlêr, Dîyarbekir, Stenbol û Stokholmê civînên bîranînê bên çêkirin.

Vaye bernameya çalakiyên ji bo bîranîna Mehmed Uzun:

Amed
Roja 11’ê mehê li Amedê dê li ser gora Mehmed Uzun merasima bibîranînê pêk bê. 

Hewlêr
Li Hewlêrê roja 11’ê vê mehê ji aliyê Rêkxirawa Perepêdana Karê Ragihandin -M.W.D.O- digel hevkarîya Yekîtî Nûseranî Kurd, liqî Hewlêr civîna bîranîna koça dawî ya Mehmed Uzun tê çêkirin.

Stenbol
Civîna Stenbolê jî 11’ê mehê saet 18.30 de li Otela Metroparkê li dar dikeve. Çalakiya Stenbolê ji aliyê Weşanxana Îthakî ve tê organîzekirin. Di çalakiyê de dê kurtefîlmekî li ser jiyana Mehmed Uzun bê nîşandayîn, çend dengbêjên kurd dê stranên ku Mehmed Uzun ji wan hez dikir bistrên û hin nas û dostên Uzun dê li ser wî biaxivin

Stockholm
Civîna li Stockholmê jî dê bi însiyatîva dostên Mehmed Uzun û li ser navê PEN’a Swêdê û Yekîtîya Nivîskarên Swêdê li dar bikeve. Di civînê de Agneta Pleijel, Arne Ruth, Ciwan Haco, Firat Cewerî, Jonas Modig, Katarina Frostenson, Maria Modig, Marita Ulvskog, Mustafa Can , Omar Sheikhmus û Seyitxan Enter axaftinê bikin. Çalakiya li Stockholmê li ABF huset, Sveavagen 41, di saet di navbera  18.00 - 20.00’an de li dar bikeve.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.