Diyarname
Ji bo Kûpaya Super a Spanyayê Barselona û Real Madrid derketibûn fînalê. Di fînaLê de Barselona gihîşt mirazê xwe.

Maç li Stada Kral Abdullah ya li Ciddeya Erebistana Siûdî hat lîstin. Di 90 deqîqeyan de Barselona ji Real Madrîdê zêdetir li pêş bû. Lê heyecana maçê li gor El Clasicoyê bû.

3 DEQEYAN DE 3 GOL
Barselona di deqîqeya 36'an de bi gola Raphinha bi 1-0 derket pêş. Berî nîveka yekemin bi dawî bibe sê tiştên balkêş çêbûn: Di deqîqeya 45+1 Robert Lewandowski tîma xwe bir 2-0, lê Real Madrîdê di 3 deqîqeyan de du 2 gol avêt: Deqîqeya 45+2 de Vinicius Junior, deqe 45+7 de jî Gonzalo Garcia bersiv da û nîveka yekem bi 2-2'yê bi dawî bû.
Di nîveka duyemîn de heyecan hê zêdetir bû. Û encama dawî bi gola  Raphinha (dq 36, 73): 3-2
Kaptanê Barselonayê Frenkie de Jong di deqîqeya 90+2 de qerta sor dît; Barselonayê 5 deqeyên dawî bi 10 kesî lîst.
Lîstikvan Raphinha wekî lîstikvanê serketî yê maçê hat hilbijartin.

6 EL CLASICOYÊN DAWÎ
Bi vê yekê di 6 El Clasicoyên dawî de bû 5 car Barseloma bi ser dikeve.
Dîsa notek bo teknîk dîrektorê Barselonayê Hansi Flick Heye: Flick ev sal û nîv e li Barselonayê ye û di vê sal û nîvê de bû 4 kûpa digire.

TÎMA HERÎ SERKETÎ: 16 CARAN
Bi vê kûpayê re bû 16 caran Barselona vê kûpayê digire.Dûre Real Madrid tê ku 13 caran, Athletic Bilao û Deportivo La Coruna her yekî 3 caran, Atletico Madrid 2 caran û Valencia, Sevilla, Zaragoza, Mallorca û Real Sociedadê her yekê carek ev kûpa biriye mala xwe.

REWŞA LÎGÊ
Di La Lîgaya Spanyayê de heta niha 19 maç hatine lîstir, niha Barselona bi 49 pûanan lîder e, Real Madrid bi 45 pûanan li dû ye. Real Madrid vê hefteyê (roja şemî) Levanteyê dike mêvan, Barselona roja yekşemê diçe Real Socieadadê.