Diyarname
Kordînasyona Çarçoveya Şiî ragihand ku berendamê wan ê Serokomarî Nûrî el-Malîkî ye. Her du partiyên mezin ên kurdan jî piştgiriya xwe ji bo Malîkî eşkere kirin.

Li Iraqê piştî sazkirina Zagona Bingehîn a 2005'an posta Serokomarî yê kurdan, Serokatiya Meclisê yê suniyan û posta serokwezîrî jî dane şiîyan. Hilbijartina Iraqê roja 11'ê sermaweza 2025'an li dar ket. Niha dema diyarkirina serokwezîr e. 

Ji ber ku post di destê şiîyan de ye Kordînasyona Çarçoveya Şiî duh berendanê xwe wekî Nûrî el-Malîkî diyar kir. 
Serokê PDK'ê Mesûd Barzanî duh eşkere kiribû ku ew dê piştgiriya Malîkî bikin. Îro jî Serokê YNK'ê Bafil Talabanî peyameke belav kir û got, "Em bi dilxweşî berendamtiya Malîkî pêşwazî dikin."

Di dengdana li meclisê de roja 29'ê berfanbara 2025'an Heybet Halbûsî bû Serokê Meclisa Iraqêş. Li gor zagonê piştî hilbijartina Serokê Meclisê bi mehek gere serokomar bê hilbijartin. Ev dem jî heta dawiya vê mehê ye. Wisa diyar e heta dawiya mehê dê Malîkî li Meclisê bê hilbijartin.

Nûrî el-Malîkî kî ye?
Nûrî el-Malîkî di sala 1950'î de li el-Hindiye ya Iraqê hatiye dinê. Malikî ji aliyê olî ve şiî ye. Di navbera 2006-2014'an de serokwezîrê Iraqê bû, ji wê demê heta 2018'an jî Cîgirê Serokomar bû.
Niha ji bo Serokomariya Iraqê berendam e. Serokê PDK'ê Mesûd Barzanî çed roj berê eşkere kir ku ji bo serokwezîrî ew piştgiriya Malîkî dikin.