Diyarname
Li gor peymana di navbera Hêzên Sûriyeya Demokratîk û hikumeta demkî ya Sûriyeyê de xalên bi cih anîna "pêvajoya entegrasyone" îro dest pê kir.
Niha çi dibe, wê çi bibe? 
Va ne xalên ku dimeşin:
- Komek ji heyeta hikumeta Demkî ya Sûriyeyê duh çû Kobanî. Heyet ji çar erebeyan pêk dihat. Heyet îro bi erebeyên xwe hat Hesekê û dê dest bi xebatan bike. Ji bo provakasyon pêk neyên, mesele bi aramî bimeşe, ji bo ku pirsgirêk derneyên, Rêveberiya Xweser îro li Hesekê, ji bo sibê (3'yê mehê) jî li Qamişloyê biryara qedexeya derketina derve belav kir.

- Dîsa Hêzên Ewlekariya Hundirîn a Sûriyeyê ku dor 100 kesî pêk dihat îro hatin Hesekê. Ev hêz li xalên ku ji bo wan hatibû diyarkirin bi cih bûn. 

NÎQAŞÊN LI SER MESELEYÊ
- Heyet wê li ser meseleya entegrasyonê nîqaşan bike. Şande dê li rayedarên kurd guhdarî bike. Wê  têkiliya di navbera her du aliyan de çi be, qwê bê zelalkirin.

- Li ser bi rê ve birina karên îdarî wê nîqaş bêne kirin.

- Li ser entegrasyona leşkerî nîqaş  wê bêne kirin û rê bê diyarkirin. Bi vî awayî, wekî gava yekem têkiliya hêzên ewlehiya hundir a bi wezareta karên hundir re, a din jî rewşa hêzên leşkerî ye. 

TÛGAYÊN LI HESEKÊ Û KOBANÎ
- HSD li Hesekê wekî sê tûgayan û li Kobanî jî wekî tûgayekê dê bê vesazkirin. Li ser kîteyên vê meseleyê heyet û hêzên Rêveberiya Xweser wê nîqaşê bikin. 

- Piştî nîqaşan hêzên Hikumeta Demkî dê ji herêmên kurdan dûr bikevin û xwe vekişînin navçeya Şedadê. Li hemberî vê yekê HSD jî dê gavek bi paş ve vekişe. Bi vî awayî wê zelalî Çêbe.

MESELEYA SAZIYÊN RÊVEBERÎ
- Xala entegrekirina saziyên Rêveberiya Xweser di nav saziyên dewleta Sûriyeyê heye. Ev yek jî dê bê bi cih anîn. Berê li Rojava li hin deran saziyên rejîma Beşar Esad hebûn û pêre jî saziyên Rêveberiya Xweser hebûn. Ev her du sazî dê bibin yek. 
- Rewşa karmendan wê zelal bibe. Karmendên heyî wê li ser karên xwe bimînin, lê di bin banê dewletê de.

POSTÊN RÊVEBERÎ
- HSD'ê ji bo Walîtiya Hesekê û Cigirtiya Wezareta Parastinê ya Sûriyê û gelek pozîsyonên din nav diyar kirin û ragihandin Şamê.
- HSD'ê ji bo Cîgiriya Wezareta Parastinê navê yek ji fermandên HSD'ê Çiya Kobanî, ji bo Walîtiya Hesekê jî navê Nuredîn Îsa (Nuredîn Xanika) ragihandibû. Ev mesele jî wê zelal bibe. Têkiliya di navbera Rêveberiya Xweser û Hikûmeta Demkî de wê bi ser wan re bimeşe.

MESELEYA PERWERDEHÎ Û VEKERA KOÇBERAN
- Piştî meseleya leşkerî û îdarî, Wê meseleya perwerdehiya li herêmê û vegera kesên koçber bûne wê bê nîqaşkirin.

- Tê gotin, piştî ev heyeta niha hatiye bajarên kurdan dê mijarên entegrasyonê nîqaş bike û dema karên wan biqede wê ji wir herin. Hin derdor bi israr dixwazin ev heyet (wekî hêz) li wan deran, yanê li bajarên kurdan bimîne. Kurd vê naxwazin. Encam di nav demê de wê diyar bibe.