Diyarname
Li Hollandayê hikumet hat avakirin. Hikumet bi lihevkirina partiya "Demokrat 66 (D66)", CDA (Partiya Xiristinanên Demokrat) û VVD (Ji bo Azadî û Demokrasiyê Partiya Gel) hat avakirin. Ji D66'yê Rob Jetten bû serokwezîrê Hollandayê. Jetten wekî şexsiyek hevzayend e û bi vî awayî dibe yekem hevzayend ku li Hollandayê dibe serokwezîr. Di hikumedê de Seroka VVD'ê Dîlan Yeşîlgoz ku bi eslê xwe ji Dêrsimê ye bû Cîgera Serokwezîr û Wezîra Parastinê ya Hollandayê.

Li gor hejmara mebûsan kursiyên wezîrtî li partiyan hatin belavkirin. Li gor vê D66 bû xwedî 7 wezîran, VVD 6 wezîr û CDA jî 5 kursiyên wezîrtî girtin. Serokê CDA'yê got ew wekî şexs di hikumetê de cih negire û ewê Wekî Serokê KomaXwe ya Meclisê karê xwe bidomîne.

7 MEH IN HIKUMET ÇÊNEBÛBÛ
Li Hollandanê di tîrmeha 2024'an de hilbijartin li dar ketibû, ji rastgirên radîkal-rastigirên navendî hikumet çêbûbû, piştî partiya Wilders ji hikumetê vekişiya bû, hikumet 3'ê pûşpera 2025'an de hilweşiya bû. Paşê biryara sazkirina hilbijartinê dabûn. Roja 29'ê kewçêra 2025'an hilbijartin li dar ket. D66 bû yekem lê hejmara mebûsan têra hikumetê nekir.

DÎLAN YEŞÎLGOZ KÎ YE?
Mebûs Dîlan Yeşîlgoz ji malbateke kurd a ji Dêrsimê ye û di sala 1977'an de hatiye li Enqereyê hatiye dinê. Di sala 1984’an malbata wê jî wekî gelek malbatên kurd çûye Hollandayê û îltîca kiriye. Wê li Hollandayê xwendina xwe temam kiriye. 

Yeşîlgoz li Hollandayê ji sala 2014’an ve di nav siyasetê de di gelek astan de cih girtiye. Ji sala 2017’an ve wekî endama "Volkspartij voor Vrijheid en Demokratie-VVD" di meclisa Hollandayê de cî digre. Di 25'ê gulana 2021’ê wekî Wezîra Aborî û Polîtîkayên Kişwerê hat peywirdarkirin. Di sala 2022'yan de bû Wezîra Edalet û Parastinê ya Hollandayê. 
Yeşîlgoz niha di nav vê hikumetê de wêk peywira Cîgera Serokwezîr û Wezîra Parastinê ya Hollandayê bigire ser milên xwe.