Diyarname
Rojnameya The Washington Post hê çend roj berê raguihandibû ku dê nêzî ji sisêyan yekê xebatkarên xwe ji kar derxe. Bi ser re çend roj derbas nebûn CEO'yê rojnameyê Will Lewis îstîfa kir.

Rojnameyên ragihand ku beşa sporê ku beşeke bingehîn bû digirin, beşa fotografan bi temamî digirin û kesên herêma metropolê û kesên nûçeyên derve dişopînin beşek mezin ji wan ji kar têne avêtin. Rojnameye negot tam çend kes ji kar hatine derxistin lê li ser vê The New York Timesê ragihand ku rojnameyê ji dor 800 rojnamegeran 300 jê ji kar derxistine.

Di salên dawî de gelek rojnamegerên jîr ji rojnameyê veqetiyan. Di hilbijartina sala 2024'an a DYA'yê de rojnameyê plan kiribû ku piştgiriya berendam Kamala Harris bike, lê dema bi biryara xwediyê rojnameyê Jeff Bezons dest ji vê biryara xwe berda, bi deh hezaran abone winda kir.

CEO Lewis ê ku ev du sal in li ser kar e bi îstifayê re got, "Ev dem tam dema dest ji berdana kar bû, min berda." Li aliyê din Lewisî di serdema berpirsiyariya xwe de gelek biryarên zor dabûn û her demê gotibû ji bo rojname temendirêj be wisa dike. Niha ligel dest ji kar berdaye ji pesnê xwediyê rojnameyê da.

Li aliyê din Sendikaya Washington Post Guild ku temsîliyeta xebatkarên rojnameyê dike gotiye gere Lewis ji zû de dest ji kar berda u ev yek lê zêde kiriye, "Helwdana Lewisi ew bû, saziyeke mezin a Amerîkanê ber bi têkbirinê ve bibe bû." Sendîkayê xwest kesên ji kar hatine derxistin vegerînin kar û bila Bezos rojnameyê bifroşe kesek din ku razemenî dike.

Dîrektorê karên malî Jeff D’Onofrio anîn cihê Lewîsî. D'Onofrio di peyama ji bo xebatkaran şand de got ku sektora çapemeniyê di serdemeke zehmet a aboriyê de derbas dibe, The Washington Post jî ketiye bin bandora vê yekê.

ROJNAMGERIYA SPORÊ YA BI ISÛLÊ BERÊ TÊK DIÇE
Piştî girtina beşa sporê Gerînendeyê Weşanê yê Washington Postê yê berê Marty Baron ji bo The Athleticê wisa gotiye, "Li dinyayê ji bo yek ji rojnameya nûçeyan a mezin, ev roj rojên herî tarî ne."
Diyar kiriye ku bi bilindbûna çapemeniya tora civakî re derbeya mezin li sektora beşa sporê daye ku girtina beşa sporê ya Postê derbeya dawî ye. Gotiye ku berê rojnameger di navbera lîstikvan û alîgiran de navbeynkar bûn, hemû agahiyên derbarê tîm û lîstikvanan de di beşên sporê hebûn.
Nûçegîhan Steven Goff 40 salan ji bo Postê dixebitî û di nûçefîhaniya futbola Amerîka de yek ji pêşengan bûn. Ew dibêje, "Berê em diçûn odeya kincguhartinê ya lîstikvanan û me bi hemûyan re xeber dida.Dema ligel tîma D.C.United me rêwîtî dikir hûn tekane nûçegîhan bûn li cem wan û têkiliya we ya xurt ligel lîstikvan û antrenoran çêdibû."

ROJNAMAGERAN ÇALAKIYA PROTESTOYÊ LI DARXISTIN
Piştî Bezosî gelek rojnamegerên sendîkayî ji kar derxistin, gelke ji wan hatin ber avahiya Washington Postê û ev yek protesto kirin.

Ev nûçe ji AP, Euronews, The Atleticê hatiye berhevkirin.