Diyarname
Hunermendê hindî Raja Ravi Varma di se serey 19’inan de bi namey “Yashoda û Krishna” tablo viraşt bî. Ene tablo enka bi 17,9 mîlyon dolarî hame rotişî.
Mezatê Saffronart ê Delhî de roco çarşemew şî mezat hame viratişî û tablo hame rotişî.

Varma pêşengê wêneyê modern ê hindî yo ke serey 1848 de hamebî dinya. Hunermendî destan û mîtolojî hindû bi awayke modern kerdbî tablo û bi enî tabloyan welat de bîbî bi namew û veng.
Ê tabloy xwu "Yashoda ve Krishna" seranê 1890’yinan de viraşt bî. Tablo de vîranînê xwedawenda hindû Krishna nîşan dano ke a damarî xwu Yashoda dir a. Yashoda mange doşena, Krishna zî verê ay de wa û tedir qedehêke esta

Tablo enka bi rekor hame rotişî. Par tabloy "Gram Yatra" bi 13.8 mîlyon dolarî hamebî rotişî, enka enî tabloy ew rekor zî şikit.

Gorey xeberey BBC ra karsazêke milyarder Cyrus Poonawalla eno tablo girot o. Ê Serum Institute of India viraşt bî û enka rêveberê ene sazî yo.

Saffronart qeybî tabloy vato, “Eno tablo xezîneyê neteweyî yo. Gere re rey şar bêro temaşekerdişê enî tabloy.”

Tabloy hunermend Raja Ravi Varma ê bi namey “Yashoda û Krishna” rekor şikit.