Diyarname
Niştox Haydar Diljen eno 40 serewo bi kirmanckî xebatan keno; nisneno, desan dano û kitaban veceno. Enka kitabêkey ê bi namey "Raywanîya Çekuyanê Mi" Weşanxana Aryen ra veciya. Kitab de nistey ê serê ziwan, perwerde, kultur û siyasetî de estê. Bi enî kitabî wendoxî 40 sere de ê çi nisto, hestê cê çibî vînenê.

Ê bi beşa "Ziwan"î dest bi kitab kerdo. Gotara verine bi sernamey "Oxil, bi zazakî zî yazî esto? Tewbe ya Rebî, tewbe!?.." hamiya çapkerdiş. Ene gotare serey 1990'y de, humara 64'inan ay Kovara Berbangî de neşr biya. Bi eno away gotarê ê ke heta enka hamey neşrkerdişî, ardê tê het û enî kitabî de kom kerdê. Bi eno awa xebatê Diljenî ê 40 seran yeno heysayişî.

Niştewa peyine ay miyanê kitabî de zî "Trêni xeyalandê mi de zey fîgurê estanekan bî" hamiye vilakerdişî ke ê ene nişte 2024 de nista.

Pişnî kitabî de zî albumê resman kerdo hedre ke tede rismê Haydar Diljenî û embazanê ê estê.

- Raywanîya Çekuyanê Mi / Haydar Diljen / Aryen / Komnuşteyî / 343 rîpelî / 2025