AMED
Pêşbaziyeke nû bi navê “Bi çîrokekê bihar tê / Bi hîkayeyke wesar yeno” hat dest pê kirin. Pêşbazî ji aliyê Yekeya Parastin û Pêşvebirina Zimanê Kurdî û Meclisa Ziman a Şaredariya Peyasa Amedê ve tê organîzekirin. Navenda PEN’a Kurd, Şaxên Egîtîm-Senê yên Amedê û Komeleya Wêjekarên Kurd piştgirî û organîzeya vê pêşbaziyê dikin. Pêşbazî ji bo xwendekarên dibistanên amadehiyê ye û bi kurdî  (kurmancî û kimanckî) li dar dikeve.
Deriyê pêşbaziyê tenê ji bo hemû xwendekarên dibistanên amadehiyê vekirî ye. Serîlêdanê roja 1’ê avrêlê dest pê kir û heta 10’ê gulanê yên biwazin divê berhemên xwe bişînin. Encamên pêşbaziyê jî dê di roja 15’ê gulanê bên eşkerekirin.
Tenê çîrokên ku bi zimanê kurmancî an kirmanckî hatine nivîsandin, dikarin beşdarî pêşbaziyê bibin. Çîrok divê ji navnîşana cirok-hikaye@kayapinar.bel.tr re bên şandin.
Di dawiya pêşbaziyê de, berhemên ku bên hilbijartin bi ragihandinê re bi diyariyên surprîz werin xelat kirin.
Yekeya Parastin û Pêşvebirina Zimanê Kurdî û Meclîsa Ziman a Şaredariya Peyasê diyar kir ku ev pêşbazî bi armanca pêşxistin û geşkirina ziman û çanda Kurdî tê lidarxistin û hemû xwendekarên dibistanên amadehiyê ji bo beşdariyê vexwendin.

Va ne şertên beşdariyê, bi kurmancî û kirmanckî:

PÊŞBAZIYA ÇÎROKAN A XWENDEKARÊN DIBISTANÊN AMADEHIYÊ
BI ÇÎROKEKÊ BIHAR TÊ!
Tevahiya xwendekarên dibistanên amadehiyê bi çîrokên xwe yên Kurmancî û Kirmanckî/Zazakî yên ku berê çap nebûne dikarin beşdar bibin.
Şertên Beşdarbûnê:
Pêşbirk bi Kurdî (Kurmanî/Kirmanckî) ye.
Hemû xwendekarên dibistanên amadehiyê/lîseyê dikarin beşdarî pêşbirkê bibin.
Her beşdarek dikare bi çîrokekê bi tenê beşdar bibe.
Çîrok divê ji 4 rûpelên A4’an dirêjtir nebe.
Divê çîrok berê li tu derekê nehatibin çapkirin.
Divê nivîskar bi heman çîrokê berê beşdarî pêşbirkeke din nebûbe.
Nivîskar ji aliyê mijarê ve serbest in.
Her nivîskar ji naveroka çîroka xwe berpirsiyar e.
Mafê Şaredariya Peyasê heye çîrokên ku bên hilbijartin bêyî ku telîfê bide di malper û bultenên xwe de biweşîne.
Çîrok divê bi bernameya Wordê ji e-maila li jêrê re bê şandin.
Xwediya/ê çîrokê divê agahiyên xwe di heman mailê de wek belgeyeke cuda bişîne.
Serlêdan dê di 1’Avrêlê de dest pê bikin û di 10’ê Gulanê de bi dawî bibin.
Encam dê di 15’ê Gulanê de werin eşkerekirin.
Xwediyên çîrokên ku bên hilbijartin dê bi diyariyên surprîz werin xelatkirin.
Têkilî: cirok-hikaye@kayapinar.bel.tr 


ŞARTÊ BEŞDARBÎYAYÎŞÎ

Musabeqa bi Kurdkî (Kurmanckî û Kirdkî/Kirmanckî/Zazakî/Dimilkî) yo.
Pêro wendekaranê wendegehê lîseyî eşkenê beşdarê musabeqaye bibê
Beşdarkerdoxî eşkenê têna bi yew hîkayeyêk beşdarî bibê.
Hîkayeyî ganî 4 rîpelê A4’î ra dergî mebê.
Beşdarkerdoxî ganî bi no hîkayeyê xo reyra beşdarê yewna musabeqayê hîkayeyî mebê.
Beşdarkerdoxî hetê babetan ra serbest ê.
Beşdarkerdoxî tedeyê hîkayeyê xo ra mesul ê. 
Heqê Şaredarîyê Peyasî est o û ganî qebûl bo ke hîkayeyê ke ameyî weçinitene bêheqê telîfî weşanîyenê û çap benê.
Hîkayeyî ganî programê Word’î de binusîyê û e-maîla ke cêr de nusîyaye ser o bierşawîyê.
Beşdarkerdoxî ganî name û malûmatê îrtîbatê xo sey belgêyêk ciya bierşawê.
Muracatkerdiş 1’ê Nîsane de dest pê keno û 10’e Gulane de qedîyeno.
Netîceyê Musabeqayê Hîkayeyî 15’e Gulane de eşkera beno.
Wayîrê hîkayeyê ke ameyî weçinitene pê dîyarîyanê suprîzan reyra yenê xelatkerdiş.
Têkilî: cirok-hikaye@kayapinar.bel.tr