Diyarname
Berendamê YNK'ê Nîzar Amêdî di dora duyemîn de de piraniya dengan girt û bû Serokomarê nû yê Iraqê. Amêdî bi 227 dengan hat hilbijantin.

YNK'ê û PDK'ê pêşî cuda cuda ji bo Serokomariya Iraqê berendamên xwe eşkere kiribûn. YNK'ê Nîzar Amêdî, PDK'ê Fûad Husên wekî berendam eşkere kirin.
Ji sala 2005'an de postê Serokomariya Iraqê dabûn kurdan. Kurdan (PDK û YNK'ê) ji wê demê ve li hev kiribû ku Posta Serokomariya Iraqê ji bo YNK'ê, ya Herêma Kurdistanê ji bo PDK'ê be. Heta niha her YNK'yiyek bûbû serokomar. Vê carê her du partiyan li hev nekir û berendamên cuda eşkere kirin. Lê di dengdana 11'yê mehê li dar ket de PDK di dora duyem a dengdanê de vekirişa. 

Li Parlemena Iraqê 329 mebûs hene. Di dora yekem de kesek bi ser neket, di dora duyem de 249 mebûsan deng da.

Di dora yekem de Nîzar Amêdî 208 deng, Musenna Emîn 17 deng girtin. Berendamê PDK'ê 16 deng girtin. Li gor vê Amêdî û Emîn derbasî dora diduyan a dengdanê bûn.

Di dora diduyan de PDK ji dengdanê vekişiya û deng neda.
Berendamê YNK'ê Nîzar Amêdî bi 227 dengan bû Serokomarê Iraqê. Di dengdanê de ji bo Musena Emîn 15 deng hatin dayîn û 7 deng jî betal bûn. Bi vê yekê Nîzar Amêdî bû Serokomarê Iraqê.

DEM PARTÎ PÎROZBAHÎ BELAV KIR
DEM Partî, KNK'ê (Kongreya Neteweyî ya Kurdistanê) û hin saziyên din ên kurd peyama pîrozbahiyê ji bo Nîzar Amêdî belav kirin û ew pîroz kirin.

PDK: EM BI SEROKOMARÊ NÛ DE NADIN Û NASTÎNIN
Li aliyê din piştî hilbijartinê PDK'ê ragihand ku ew dê bi Serokomarê nû Amêdî re dan û standinê nekin.
PDK'ê got ku ew hilbijartinê red dikin û ew Nîzar Amêdî wekî nûnerê piraniya Kurdistanê nabînin û dan û standinê nakin.