Diyarname

Amedspor ku hedef çûyîna Super Lîgê ye li mala xwe puan winda kir û derbe xwar.
Amedsporê êvarê Umraniyespor kir mêvan. Maç bi 2-2 ma û Amedê 2 puan winda kirin.

Di deqîqeya 22'an de Umraniyespor bi gola Batuhan Çelik 1-0 derket pêş; Amedê piştî vê bi 5 deqeyan bi gola Mehmet Yeşil bersiv da. Nîveka yekem wisa bi dawî bû.
Di deqîqeya 69'an de Umraniye carek derket pêş. Jurgen Bardhi tîma xwe bi 2-1 derxist pêş. Di deqîqe 90+3 de Amedsporê bi Mbaye Diagne encam kir wek hev û pûanek girt.
Di maçên din de Erzurumê Boluspor bi 2-0, Erokê jî Sakaryaspor bi 2-1 têk bir. Ev encamên vê hefteyê ne bi dilê Amedsporê bû.
Di dawiya hefteya 35'an de Erzurum bi 78 pûanan yekemin, Amed bi 72 pûanan duyemîn û Erok bi 70 pûanî sêyemîn.

Di Lîgê de yekemîn û duyemîn raste rast diçin Lîga Super, sêyemîn play-offê dilîze. Bi vê encamê Amedsporê duyemînî xist talûkeyê. Her ku Erzurum e hefteya pêşiya me bi ser bikeve şampiyoniyê, tenê pûanek bigire bilêtê çûyîna Super Lîgê dike bêrîka xwe.

Hefteya pêşiya me Erokspor Keçiorenguce dike mêvan. Erzurum diçe Bodrumê, Amedspor jî diçe Bandirmayê.

***
Tîma fûtbolê ya Amedê Amedspor ji bo here Lîga Super îro derdikeve maçeke girîng. Amedspor îro wê UmraniyeSporê bike mêvan. Maç saet 20.00'an de dest pê dike.

Amedspor di Lîga 1'emîn a Tirkiyeyê de dilîze û niha bi 71 pûanî di rêza duyemîn de ye. Erzurum bi 75 pûanî di rêza yekemîn de ye. Tîmên yekem û duyem raste rast derdikevin Lîga Super, loma jî Amedspor mecbûr e bi ser bikeve.

Niha maçên hefteya 35'an têne lîstin û îro jî têde 4 hefte mane. Amedspor îro bi ser bikeve dê bimînin 3 hefte.

Her ku Umraniye ye ji bo ji lîgê nekeve dilîze.

Tîm û temaşevanên Amedsporê îro bi yek dilî li benda maçê ne. Wekî hefteyên borî îro jî temaşevan dê stadê tije bikin û li benda firfiroka hakêm bin.

Ji reqîbên Amedsporê yên ji bo rêzên pêşîn Erzurom tîma Boluyê saet 17'an de dike mêvan. Erokspor jî diçe Sakaryayê, maça wan jî saet 20'an de ye.