WAN

Komelaya Pêşvebirina Çand û Zimanê Kurdî (KURDÎGEH) ji bo Cejna Zimanê Kurdî li Parka Hunerê ya li Rêya Armûşa Wanê konên “Zimanê Kurdî” danîn. Ev kon wê 6 rojan vekirîbin û li vir dê ji bo beşdaran qala kurdî bikin.

KURDÎGEH'ê pankartên “Em ê her derê bikin KURDÎGEH, her der Kurdî her dem Kurdî”, “Azadiya Kurdî azadiya civakê ye” û “Statûya Kurdî, perwerdehiya Kurdî” hat daliqandin.

Di konan de standê pirtûkên kurdî jî hatiye vekirin.

Li ser navê KURDÎGEH'ê Hevberdevkê Komîsyona Çand û Ziman a DEM Partiyê Heval Dilbahar got: “Zimanê kurdî zimanekî bingehîn e. Kurd bi hezar salan e bi zimanê xwe dipeyivin. Zimanê me nasnameya me, hebûna me û axa me ye. Heke em zimanê xwe winda bikin, em ê her tiştê xwe winda bikin. Zêdetirî sed salan e hêzên desthilatdar hewl didin kurdî qedexe bikin û ji holê rakin. Lê bi saya berxwedana Kurdan, kurdî hîn li ser piyan e. Rêber Abdullah Ocalan dibêje ku ziman ji nan û avê girîngtir e. Ji ber wê yekê, di pêvajoya Aştî û Civaka Demokratîk de beriya her tiştî divê zimanê kurdî were qebûlkirin. Divê kurdî bibe zimanê fermî û di hemû saziyên giştî de were bikaranîn. Divê em jî ji bo vê yekê têkoşîna xwe mezin bikin.”

Kon 6 rojan, her roj ji sibê heta 6'ê êvarê ji bo serdanê vekirî ne.
 

**

Nûçeyên Eleqedar:

- MED-DER eyro şî dewanê Licey û Karazî

- Li Xaçortê ji bo 15'ê Gulanê şahî

- Li Amedê hefteyek çalakî ji bo Roja Ziman

- Ji Şaredariya Amedê çalakiyên ji bo Cejna Ziman

- Saziyan qeybî 15'ê Gulanî bi kirmanckî deklerasyon wend: Kurdî hebûney ma wa

- Sazî Ziwanî qeybî Roşanê Ziwanî deklerasyon eşkera kenê