Diyarname
Li gelek welatan kanalên televîzyonan, weşanên din nûçeyên şaş, nûçeyên derewîn belav dikin. Yek ji wan niha ji ber van kirinên xwe lêborîn xwest. Ew jî Kanal M1 ê Macaristanê ye.

Televizyona M1 ji ber nûçeyên di dema serokwezîrê berê yê Macaristanê Viktor Orban de Lêborîn xwest.

Kanala dewletê M1 roja sêşemî bi saetan weşana xwe da rawestandin û li van saetan peyama lêborînê belav kir.

Kanalê hem li ser ekrana reş a televîzyonê hem li ser weşana înterneta ku reş kiriye de bi nivîsên spî wisa nivîsî: "Saziyên dewletê yên ji bo gel weşanê dikin divê derewan nekin. Ji ber ku bi salan me ev yek kir em lêborînê dixwazin! Saziyên weşanê ji bo di pêşerojê de serbixwe û bi ew le bin ji niha ve ji nû ve avakirin tê sazkirin. Weşana me ya nûçeyan ji bo demkî hat rawestandin. Ji kerema xwe re ligel me bin!"

M1 di dema Serokwezîrê berê Orban û partiya wî Fidesz de û heta di hilbijartinê de têk çû li gor wan weşana xwe didomand. Ev kanala dewletê ya Macaristanê dem bi dem "wekî makîneya propagandayê" kar dikir.

Serokwezîrê Macaristanê Peter Magyar ku demek berê hat ser kar, diyar kiribû ku wan finansmana ji bo M1'ê di hilbijartinê de propogandaya Orban kiriye daye rawestandin.
Li ser rawestandina weşanê jî Magyar got, "Ev rojeke dîrokî ye. Ji îro de êdî serdema propagandayê bi dawî bûye. Bi şev derew avêtin, bi şev derew gotin, li her kanalê derew gotin. Ev êdî xilas bû."