Diyarname
Di çarçoveya 58'emîn Festîvala Çand û Hunerê ya Tetwanê de "Fûara Pirtûkan a Tetwanê" jî li dar dikeve. Fûar 5'ê mehê vedibe û heta 9'ê mehê didome.

Festîvala Çand û Hunerê ya Tetwanê ku ji aliyê Şaredariya Tetwanê ve tê organîzekirin roja 31'ê meha borî dest pê kir û heta 9'ê mehê didome. Di çarçoveya festîvalê de gelek çalakiyên cur bi cur hene.

Di nav festîvalê de Fûara Pirtûkan a Tetwanê jî li dar dikeve. Şaredariya Tetwanê ligel YEWKURD'ê (Yekîtiya Weşangerên Kurd) vê fûarê organîze dikin. Fûar wê 5'ê mehê bi merasimek vebe û heta 9'ê mehê bidome. Di fûarê de 17 weşanxaneyên kurdan standê vedikin.

Li gor agahiya li ber destên me weşanên (bi rêza alfabetîk) Ar, Aram, Ava, Aryen, Belkî, Dara, Do, Erda, J&J, Lîs, Lîberta, Lûvî, Morî, Nûbihar, Payîz, Sîtav û Zarg wê standê vekin.

Fûar her roj di navbera saetên 10.00 - 20.00'an de li  Kêleka Îşletme Otelî - Li Perava behrê vekiriye.
 

**

Nûçeyên Eleqedar:

- 'Çand li ser mekan ava dibe'

- Festîvala Tetwanê dest pê kir, va ye roj bi roj bername

Vîdeoyek: