Diyarname
Di maça dawî ya hefteya diduyan a Lîga Super de Kocaeli û Amedsporê bi hev re lîst. Amedspor bi 2-0 têk çû.

Maç li Stada Turka Kocaeli hat lîstin. Kocaeli tîma Amedsporê kir mêvan.

Deqîqeya 12'yan de Kocaeli atakek dijwar pêk anî, lîstikvanê wan Sousa nekarî gogê biavêje keleha vala. Lê ev yek bû nîşaneya tiştên din: Kocaeli dijwar dihat bi ser Amedê de, defansê Amedê li alarma sosê dida.
Kocaeli di deqîqeya 16'an de bi gola Berkan 1-0 derket pêş. Di van deqîqeyan de Kocaeli zêdetir serdest bû, dema Amedspor dixwest derkeve atakê, gog winda kir; ji derveyî xêza pêş kelehê Berkan Kutlu bi şid lêda û gola tîma xwe avêt.

Deqeya 18'an de ji Amedspor3e Yira Sor li pêş kelehê gog da Dia Saba; Saba lê da lê gog çû derve.

Dq 37'an de Krasniqi gogek xweş bo Orban şand, lê Orbanî nekarî wê bişîne keleha vala.
Piştî van deqeyan encam neguherî, 45 deqeyên pêşî bi 1-0 bi serketina Kocaeli bi dawî bû.

Nîveka duyemîn bi guherîna lîstikvanekî dest pê kir: Amedsporê ji defansê lîstikvan Mehmet Yeşil derxist û Umut Meraş xist cihê wî; bi vî awayî dest bi nîveka duyem kir.

Dq 48, lîstikvanê Amedsporê Reveloson bi şid şûtek avêt, qeleparêzê Kocaeli gog şand kornerê.

Dq 59, Dia Saba dîsa ji dûr ve xweş lê da, lê gog çû tora ser kelehê de çikiya, encam jê derneket.

Dq 67 Amedsporê du lîstikvan guhartin: Cem Ustundag derket, Gokhan Gul ket cihê wî. Samuell Ballet derket, Diagne ket cihê wî.

Dq 70, Amedsporê korner bikar anî, zor li kelehe kir, dîsa korner, lê dîsa encam derneket.

Dq 77, Di Saba vê carê Diagde dît, wî lê da, gog ji defansê çû kornerê. 

Dq 79 ji Amedsporê Ravelson ji maçê derket, Rayan Lutin ket maçê.

Di nîveka duyemîn de Amedspor zêdetir serketî bû lê heta niha nekarî encamê biguherîne.

Û Dq 87; Kocaelî wekî ku ji Amedsporê re bêje tu nikaribî golê biavêjî, ezê maçê bi dawî bikim: Defansê Amedê nekarî gogê bi dûr bixe, lîstikvanê Kocaeli Matej Maglica ku ji defansê hatibû bi serê xwe gog şand nav torê: 2-0.

Bi vê yekê maç xilas bû. Di dawiya hefteya diduyan de Amedspor jî Kocaelispor jî xwedî 3 pûanan in.

Hefteya pêşiya me Amedspor wê li mala xwe Trabzonsporê bike mêvan.