Diyarname
Hevşaredarê Bajarê Mezin ê Amedê ê berê Dr. Selçuk Mizrakli piştî cezayê xwe temam kir, îro ji girtîgehê derket.

Siyasetmedar û Hevşaredarê berê Mizrakli ev 7 sal bûn girtî bû û piştî cezayê xwe temam kir îro derket. Berdevka Koma DEM Partî Ayşegul Dogan û gelek mebûsên DEM Partî li ber Girtîgeha Sîlîvrî pêşwazî li Mizrakli kirin.

Mizrakli ji bo çapemeniyê axivî. Va ne çend gotinên wî:

- Niha pêvajoyeke krîtîk dimeşe. Li hemberî her cure provakasyonên ku dijî vê pêvajoyê Çêibbin divê mirov hişyar be, loma jî divê bi baldarî, nazikî û bilez bimeşe. Dibêjin tiştê we winda kiriye, li cihê winda kir lê bigerin. Em nakevin nava mihasebeya sed salê, ezê li ser 2015'an û jê virdetir bêjim, tiştê derket holê derveyî hiqûqê bû. Derketina derveyî hiqûqê bû. Di salên 199596'an de, dema kuştinên kiryar-nediyar çêdibûn rehmetî Demirel gotibû, 'Her dewlet derdikeve derveyî hiqûqê, lê ew qas jî nabe.' Derketine derveyî hiqûqê di salên piştî 2015'an de derket lûtkeyê, asta herî bilind.

- Em qala aştiyê dikin. Ji bo aştî bibe mayînde, ji bo ev di dilan, bîra mirovan de cih bigire divê jidilbûn çêbibe.

'GAVÊN DEMOKRATÎK DIVÊN'
- Divê vegera li hiqûqê çêbibe, gavên demokratîk bên avêtin, tirs û metirsiyên civakê bêne telafîkirin, gavên ku baweriyê xurt bikin bêne avêtin. Ya herî muhîm zelalîbûn e.

'NIHA GERE LI CIHÊ MIN DEMÎRTAŞ HEBA'
Dema em qala GirTîgeha Tîpa F a Edîrneyê dikin, qala Demîrtaş dibe. Niha divê berî min, hêja Selahattin Demirtaş heba. Ez îro li ber vî deriyî me, dixwazim kurtedemê de dîsa werim vir. Tirsa min a ketina hundir tune ye, ji bo hevrê, serok Sehalattin Demirtaşî bigirim werim vir. 
- Peyama Demirtaşî heye, 'Çi dibe bila bibe demokrasî, çi diba bila bibe aştî, çi dibe bila bibe çareserî'. Peyama wî ev bû.

- Êdî li Tirkiyeyê di serî de Demirtaş, li Îmraliyê birêz Ocalan, hemû divê li derve bin. Bila çapemenî jî ji kerema xwe re pişgiriyê bide vê têkoşînê.