Diyarname
Rapora Rewşa Okyanûsan a Copernicusê hat belav kirin û talûkeya li ser rewşa Penguenan jî têde hat eşkere kirini. Wisa here wê qir li Penguenên li Cemsera Bakur bikeve.

Rapora 10’emîn a Rewşa Okyanûsan a Copernicusê hat eşkere kirin. Rapor li ser germbûna mezin li Cemsera Bakur û guherîna ekosîstema wir agahiyan dide.

Rêveberê Giştî yê saziyê Pierre Bahurel gotiye: “Peyam zelal e. Okyanûs bi lez diguhere.”

Di navbera 1982 û 2024’an de germahiya rûyê derya û qeşaya Cemsera Bakur bi giştî 4,2 pile zêde bûye; ev di deh salan de nêzî pîlekeyek e. Li seranserê cîhanê ev rêje di deh salan de tenê 0,12 pile ye. 

Li Deryaya Reş a bakurê Sîbîryayê zêdebûn gihîştiye 6,7 pîleyan. Ji 1979’an ve qada qeşaya Cemsera Bakur her deh salan bi qasî nîv mîlyon kîlometreçargoşe kêm dibe; ev tê wateya windabûna qadeke bi qasî Spanyayê. 

Rêvebera raporê Karina von Schuckmann dibêje ku nêzî ji sedî 60’ê binesaziya peravan ji ber erozyon û bilindbûna asta deryayê bêparastin ma ye.

Li Antarktîkayê helîna qeşayê jiyana Penguenên Împarator dixe nav xetereyê. Di sala 2022’an de, dema qeşaya deryayê gihîşt asta herî nizm a tomarkirî, cara yekem têkçûneke berfireh a zayînê hat dîtin. Çêjikên ku hê perên xwe yên avgirtî dernexistine, dikevin ava sar û dimirin. 

IUCN’ê di meha avrêla îsal de statuya penguenên împarator astek bilindtir kir û ji pênaseya “nêzî xeterê”  derxist asta “di xetereyê de”.

Rapor dibêje, eger helîna qeşayê bi vî lezî berdewam bike, heta 2100’î zêdetirî ji sedî 90’ê koloniyên penguenên împarator dikarin hema bêje bi temamî winda bibin.