Diyarname
Zanîngeha Rojava zivistana pêşiya me wê konferanseke navneteweyî li ser ziman saz bike. Zanîngehê banga kesên eleqedar kir ku gotarên xwe bişînin.

Navenda Lêkolînan a Zimanê Kurdî ya Zanîngeha Rojava wê rojê 21 û 22.02.2027’an de bi navê "Sempozyûma Navneteweyî ya Zimannasiya Karekî ya Yekem: Siyaseta ziman, perwerdehiya pirzimanî, pir-rengiya binzaravayan û pirstandardî" sempozyûmek li dar bixe.

Navendê li gor agahiya ku bi ser hesabê xwe re parve kiriye, diyar kiriye ku armanca sempozyûmê ew e ku lêkolîner û xebatkaran bîne cem hev da ku li ser zanîna li ser mijarê bi hev re bidin û bistînin, encamên lêkolînan pêşkêş bikin li ser zimannasiyê nîqaşê bidin kirin.

Ji bo vê sempozyûmê mijarên wekî "Rola perwerdeyê di bipêşxistina zimanê kurdî de", "Formên perwerdeya pirzimanî", "Standardkirin û bipêşketina kurdî", "
"Plansaziya zimanê kurdî" hatine diyarkirin.

Navendê bang li beşdaran kirine ku gotarên fermî yan jî panelan li ser mijarê pêşniyar bikin. Yên bixwazin heta 1'ê rêbendana 2027'an dikarin gotarên xwe bişînin, yan jî mijaran pêşniyar bikin.
Ji bo agahiyên berfirehtir û pêşniyaran:
- Sempozyûma Kurdî / Qamişlo