Diyarname
Nivîskar Elizabeth Eulberg ku bi romanên xwe yên wekî "The Lonely Hearts Club" û "Better Off Friends" navdar e, bi romaneke nû tê lê vê carê ji bo mezinan dinvîse.
Navê romanê "Seven Summers" (Heft Havîn) danîne û dê roja 25'ê gulana 2027'an bê belavkirin. Weşanxaneya Atria Books a Simon & Schuster berga pirtûkê niha belav kir û pirtûk ji bo pêşfirotinê amade ye. Ji kovara People Carly Tagen-Dye nûçeyek li ser vê amade kir.
HEFT HAVÎNÊN JINEK
Roman li ser jiyana karakter Nina Davis disekine: Jinek ku xwediyê restorantekê ye, lê bi deynan re rû bi rû ye û ji ber karê xwe, hevalê wê jê dûr ketiye. Ew li mala malbatê ya li ber golê, li Wisconsinê ye, da ku havîneke aram derbas bike. Lê piştî ku trajedî diqewime, jiyana wê diguhere. Tenê kesê ku dikare bigihîje wê şefêr şîriyên restoranta wê yê bi navê Sebastian e. Di nav heft havînên derbas dibin de Nina dê bibîne ku alîkariya wî ne tenê di jiyana hezkirinê, lê di nîşandana jiyana ku bi rastî dixwaze de jî mezin e.
ROM-COM'Ê TÎNE BA HEV
Eulberg diyar kiriye ku ji roja dest bi nivîskarî kiriye ku ev nêzî 20 salan e dixwest tiştek wisa binivîse û van lê zêde dike; “Ez ji komediya romantîk û rastiya bi sihêr pir hez dikim. Ez pir kêfxweş im ku destpêka nivîsandina min a ji bo mezinan ev pirtûk e ku min ev her du cure anîne ba hev."
Her wiha ew diyar dike ku bi lêkolîna rêyên cuda yên jiyanê bi karaktera xwe re hem kêfxweş bûye û hem jî ev karek dijwar bûye ji bo wê. Eulbergê diyar kiriye ku ew dixwaze xwendevanên ciwan ên ku bi pirtûkên wê re mezin bûne, niha di vê qonaxa nû de jî bi wê re bin.
Bergê romanê, ku ji aliyê Atria Books / Simon & Schuster ve hatiye amadekirin, dîmenekê havînî ya golê nîşan dide; têde jinek ku ji îskeleyê dikeve nav avê, û ronahiya zêrîn a rojava. Ev wêne, bi xweşikî dilxweşiyê û derfetên nû yên jiyanê temsîl dike.
"Seven Summers" niha ji bo pêş-firotanê li her derê ku pirtûk tên firotin amade ye. Bi vî awayî, Elizabeth Eulberg qonaxeke nû ya kariyera xwe vedike û xwendevanan vedixwîne ku li gel Nina di rêwîtiyeke din de bin.

Pirtûka Elizabeth Eulberg "The Lonely Hearts Club" di sala 2010'an de, "Better off Frends" di sala 2014'an de hat weşandin. Her du jî di nav "international bestseller" (lîsteya pirtûkên pir têne firotin) de cih girtin. Hê jî di nav Amazonê de pir têne firotine.


