DiyarName.Com

Di ‘W’yê de ‘Sînemaya Kurdan’

Kovara çandî û hunerî W hejmara xwe ya 45’an derxist. Di hejmara nû ya kovarê de li ser “Sînemaya Kurdan” dosyayeke hati

Diyarname
Kovara çandî û hunerî W hejmara xwe ya 45’an derxist. Di hejmara nû ya kovarê de li ser “Sînemaya Kurdan” dosyayeke hatiye amadekirin.

W’yê ev hejmara xwe mehek bi derengî derxist. Edîtoriya kovarê wekî sedem rewşa teknîkî nîşan daye. Her çiqas bi derengî be jî kovarê hejmara xwe ya nû gihand ber destê xwendevanên xwe. Di vê hejmara rêbendan-reşemî ya kovarê de dosyaya “Sînemaya Kurdan” cih girtiye. Di dosyayê de Dêrsim Oremar li ser “Kurtedîroka Sînemaya Kurdan”, Teymûr Evdikê “Nîşeyên Sînematografiyê (1950 -1958); Robert BRESSON”, Roza Erîzîn “Her dîmen qeydek ji nav jiyanê ye”, Ercan Orhan “Dumîzansen û sînematografiya Y.Guney”, Prîskê Mohoyî “Li Ermenistanê fîlmên li ser kurdan”,Bariş Mehmetoglu jî “Dema Hespên Serxweş” nivîsandiye. Her wiha bi derhêner Zeynel Dogan re jî li ser sînemaya kurdan hevpevyîneke hatiye kirin.

Zimanzan, nivîskar, rojnamegerê kurd û endamê PEN’a Kurd Ezîzê Cewo ku li Rûsyayê dijî, nameyek
ji Endamê Rêveberiya TZPKurdî Mulazim Ozcan ê ku ji doza KCK’ê girtî ye re şandibû. W’yê di kovarê de cih dayev ê nameya Cewo.

Di kovarê de ji Dilawer Zeraq, Berken Bereh, Lokman Polat bigire heta Mehmet Çakmak nivîsa gelek kesî têde cih girtiye.
Her wiha kovarê ji bo hejmarên bê mijarên dosyayên xwe eşkere kirine û wisa gotiye: “Ji bo hejmara Adar û Avrêlê mijara dosyeyê Zend û Bendên Kovargeriya Kurdî’, ji bo hejmarên Gulan & Pûşper û Tîrmeh &Gelawêjê mijara dosyeyê ‘Di Çîroka Kurdî de Sî (30) Salên Dawîn’ me diyar kiriye.”

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

***