Batman
BDP, Şaredariya Batman, saziyên sivîl û odeyên pîşeyê ji bo Rojava dest bi kampanya alîkariyê kir. Hate diyarkirin ku, her kes dikare alîkariyên xwe bibin teslîmê Sendîkaya Petrol-Îş'ê.

Hewildana Alîkarî û Piştgirtiyê ya ji bo Rojava didome. Li ser mijarê li ber avahiya Petrol-Îşa Batmanê daxuyanî dan çapemeniyê. Gelek partiyên siyasî û rêxistinên sivîl ên civakî di nav hewildanê de cih digirin. Hevserokê Rêxistina BDP'ê yê Batmanê Serdar Atalay, Wekîlê Şaredarê Batmanê Serhat Temel, Şaredarê Batmanê yê berê yê ji doza KCK'ê hat berdan Huseyîn Kalkan û gelek kesên din tevlî daxuyaniyê bûn.

Di daxuyaniyê de pankarta “Gel bira ne alîkarî peywîr e” hate vekirin. Li ser navê hewildanê Serokê Odeya Tabîban ê Batmanê Mehmet Demîr daxuyanî xwend.

Demîr destnîşan kir ku, ev nêzî du salan e ji ber şerê li Sûriyeyê nîvê nifûsê ji welat hatiye koçberkirin got ku penaberên ji Sûriyeyê hatine Bakmanê di nav şertên gelek nebaş de dijîn û ji ber vê yekê 2 zarokan jiyan xwe ji dest dane. Demîr da zanîn ku, ew wekî rêxistinên saziyên civakî yên sivîl û partiyên siyasî bê cudahî hemû bi hev re û bi yek deng û dilî dê alîkariyê bikin û wiha got: “Em dê ji bo kesê ku li Binxetê li ber pozê me dramê dikişînin bê deng nemînin. Ji zaliman re û ji emperyalîstan re bila bibe înyad, em dê ji malê xwe û ew xwarina ku çêdibe parve bikin û alîkariyê bidin. Em bi hêvî ne û diyar dikin ku, dê ev kampanya pir zêde bibe.”

Demîr ji bo alîkariyê bang li gel kir û xwest kesên xêrxwaz ku dixwazin alîkariyê bikin dikarin alîkariya xwe bînin radestî avahiya Petrol-Îş’ê bikin û got dê bi vê alîkariyê re ew kesên alîkar peywîra xwe ya mirovatî wijdanî bikin.

JI 10 SAZIYAN 10 QAMYON ALÎKARÎ AMADE YE

Demîr destnîşan kir ku, ji niha û pêve Odeya Tabîpan a Batmanê, Memur Sen, KESK, Odeya Dermansazan, Petrol-Îş, Odeya Esnaf û Sineatkaran, TMMOB, Genel-Îş û Weqfa Necat Nasiroglu her yekê qamyonek alîkarî deklere kirine û diyar kir ku, ew ji niha ve spasiyê xwe ji bo wan tînin ziman.

Cihê civandina alîkariyê:
Avahiya Petrol-Îş e.
Kes û xêxwazên ku dixwazin xwe bigîhinin cihê alîkariyê dikarin xwe bi hejmara 0534 052 84 84 bigîhinin cihê alîkariyê.