SILÊMANÎ

Endamê parlemana Iraqê yê Tevgera Goran Dr.Mihemed Gêlanî diyar kir ku serdana Barzanî ya bajarê Amedê Propagandaya hilbijratinê ya ji bo partiya AKP'ê ye. Gêlanî da zanîn ku Barzanî li dijî şoreşa Rojava û Bakurê Kuristanê ye.

Bi hevdîtinekê di rojnameya Awêne a Kurdî de, endamê parlemana Iraqê yê Tevgera Goran Dr.Mihemed Gêlanî diyar kir ku serdana Barzanî ya bajarê Amedê propagandaya hilbijratina ji bo partiya AKP'ê ye. Gêlanî da zanîn ku Barzanî li dijî şoreşa Rojava û Bakurê Kuristanê ye. Gêlanî di hevtîtina xwe de got ku tiştê ku gelê Rojava di salekê de kiriye Hikumeta Kurdistanê di 22 salan de nekiriye, lewma ew bi şoreşa Rojava serbilind in.

Dr. Gêlanî di hevdîtina xwe de diyar kir ku Partiya Demokrata Kurdistanê li dijî şoreşa Rojava û Bakurê Kurdistanê ye û wiha dewam kir: "Pêwîst e têkiyên kurdan li ser bingeha bejewendiyên netewî bin, lê mixabin hêzeke Kurdistanî heye dibêje ku pêwîst e her tişt di bin desthilata min de be û eger ne wisa be ez ê xerab bikim."

Gêlanî diyar kir ku tiştê ku PDK'ê li Rojava li dijî PYD'ê dike, li dijî şoreşa Bakur jî dike.

Derbarê serdana Barzanî a Amedê de jî Dr.Gêlanî diyar kir ku AKP'ê Barzanî vexwende Amedê û ew wekî alaveke propagandaya hilbijartinan bikar anî. Dr. Gêlanî wiha dewam kir: "Çima ev serdan demek berî niha çênebû yan jî piştî hilbijartinan? Ev du sal in ku di navbera AKP'ê û PDK'ê de projeyek heye ku PDK'ê gelê Bakur bikşîne aliyê Erdogan û Erdogan jî dê vê hêzê ji bo tunekirina PKK'ê bikar bîne." 

Gêlanî da zanîn ku ev plan têk çû, ji ber ku PKK'ê xwe berdaye nava Tirkiyê û hêza xwe ava kiriye.

Dr. Gêlanî derbarê xebatên PDK'ê yên dijî Partiya Yekîtiya Demokratîk (PYD) jî da zanîn PDK dixwaze Rojava têxe bin desthilatdariya xwe û wiha dewam kir: "Dibe ku ez ne li gel siyasetên PYD'ê bim, lê xebatên ku PYD li Rojava dike xebatên mezin in. PYD dibêje ku nabe du hêzên çekdar li Rojava hebin. Ev tiştekî rast e. Me li başûr ji ber pirbûna hêzan gelek zehemetî kişandin."