Diyarname

Li Stockholma paytexta Swêdê bi beşdariya rewşenbîran konferanseke navneteweyî dest pê kir.

Konferansa ku nivîskarê kurd Zeynelabîdîn Zinar jî beşdar bû dest pê kir û dê heta 2'yê mehê bidome.

Konferansa bi navê Waltic 08 li avahiya Folkethuseye dest pê kir û ji gelek welatan rewşenbîr beşdar dibin. Yek ji beşdaran jî nivîskar û lêkolînerê kurd Zeynelabidîn Zinar e.

Ev cara pêşî ye ku konferanseke wiha navnetewî bi pêşkêştiya Sendîqaya Nivîskarên Swêdî tê amadekirin.  Armanca yekemîn a konferansê ew e ku nivîskar, werger, lêkolîner û helbestvanên dinyayê bi hev bide nasîn û li ser problemên ziman û vêjeyê raweste.

Ji 60 welatan li dor 600 nivîskar, wêjevan, werger, lêkolînvan, helbestvan beşdarî Waltic (Writers’ and Literary Translators’ İnternational Congress) dibin.
Ji dinyayên kesên wekî Nawal El Saadawi, Mia Couto, Tomas Transtromer, Teslime Nesrin, Herta Muller, Elena Poniatowska, Assıa Djebar, Rosa Montero, Rafael Hernandez, Ana Menendez, Philip Pullman, Leevi Lehto, Antonia Arslan, Yoko Tawada, Horaca Engdal, Jonas Hassan Khemiri beşdarî kongreya werger û wêjeyanan a navneteweyî WALTIC'ê dibin.
Ji Tirkiyeyê jî kesên wekî Turker Armaner, Yusuf Eradam, Saliha Nilufer, Suat Karatay, Saliha Paker beşdar dibin.