Enqere
BDP'ê bi peyameke biryara meclisa xweseriya Kantona Cizîrê pîroz kir û got: Ew bi coş û dilxweşiyê biryara xweseriyê pêşwazî dikin.
Hevserokên BDP'ê Sehalattin Demirtaş û Gultan Kişanak ji bo biryara Ragihandina Xweseriya Kantona Cizîrê peyameke pîrozbahiyê weşand. Hevserokên BDP'ê di peyama xwe de gotin ku li Rojavayê Kurdistanê girtina biryareke mezin a bi vî rengî wê hem bandora xwe li têkoşîna gelan a hevpar, hem bandorê li têkoşîna herêmên din ên Sûriyê ku li hemberî tîranan şer dikin bike; hem jî dê ji bo hemû Rojhilata Navîn bibe çavkaniya feyzê.
Di peyamê de hate gotin ku di encama vîneke mezin a siyasî, ked û parastineke bi fedaî de Şoreşa Rojava gihîştiye vê biryarê, em hemû hemû aktorên siyasî ku keda wan ketiye nava vê biryara xweseriyê pîroz dikin, bi vî awayî em gelê Rojava ku berxwedaneke bi rûmet nîşan dane silav dikin.
Hevserokên BDP'ê gotin ew careke din dubare dikin ku her li cem gelê Rovava ne û wisa gotin: "Em vê biryara xweseriyê ji bo îstîkrana hemû Rojhilata Navîn girîn dibînin, dibêjin divê hemû hêzên navneteweyî piştgiriyê bidin vê biryarê. Di heman demê de em bang dikin ku hemû aliyên ku ji bo demokrasiyê û mafên gelên bindest têkoşînê didin, piştgirî û hêzê bidin gelê Rojava."
**
Nûçeyên eleqedar:
.jpg)
