Diyarname

Bexçeyên Hewselê ku Rektoriya Zanîngeha Dîcle li wir dar birî bûn û ciwanan li hemberî vê yekê dest bi çalakiyan kiribû bû mijara kovara xwezayê ya Tirkiyeyê Atlasê.

Atlas li Tirkiyeyê bi tirkî mehê carekê bi diruşma "Kovara Erdnîgarî û Kifşkirinê" derdikeve. Kovar her meh wêneyên gelek serketî, ligel dosyayên xwe pêşkêş dike. Kovarê hejmara xwe ya avrêlê derxist û di vê hejmarê de Bexçeyên Hewselê bi vê sernavê kiriye berga xwe: "Amed, Bexçeyê Bihuştê Hewsel".

Bexçeyên Hewselê bû mijara gelek stran û efsaneyan lê kovarê ne ev alî, aliyê deqlemendiya jiyana hov a hewselê girtiye dest. 

Her wiha kovarê li ser Şikeftên Bartinê, bajarê Veliko Tirnova ya Bulgaristanê, rewşa balafirgeha 3'yemîn a ku hikumet dixwaze li Stenbolê çêbike û hin mijarên din girtine dest. Her wiha mijara "4 bender, 4 behr" ku têde li ser têkiliya mirovan û behran, bi ser bênderên Stenbolê, ÎZmir, Trabzon û Mêrsînê de digire dest.