Diyarname

Kombenda Nivîskarên Sûriyê sê roman wekî romanên serketî yên salê hilbijartin û weşandin, her wiha xwediyên wan jî bi xelata pereyan xelat dike.

Xelat û çapkirina romanan

Kombenda Nivîskarên Sûriyê di sala 2013'yan de "Pêşbaziya Xelata Elmezre;a ya Romanê" da destpêkirin. Pêşbazî ji bo destnivîsên romanên ku nehatine çapkirin bû û di meha dawî ji sala 2013'yan de deriyê pêşwazîkirina destnivîsan hatibû girtin. Ji bo xelatdayînê juriyek ji sê nivîskarên naskirî hatibû avakirin û sê roman ji bo xelatkirinê hatin destnîşankirin. Ji bo xelata yekemînî 8000 dolar, ya duyemînî 5000 dolar û ji bo ya sêyemînî 3000 dolar didin kesê serketî. Her wiha Kombedê her sê romanên xelatgirtî çapkirin jî.

Merasim û kesên beşdar dibin

Kesên xelat girtine hê jî li Sûriyê dijîn û li gor rêgeza pêşbaziyê roja merasima xelatdayînê dê navê romannivîsên xelathilgir diyar bikin. Ji bo vê yekê roja 17.04.2014'an de li Hotela Mezin ya Antakyayê merasima xelatdayînê li dar dikeve. Merasima xelatdayînê dê berî nîvro saet 11:00'an de dest pê bike. Di civîna ku di bin siya Kombenda Nivîskarên Sûriyê de tê birêvebirin wê bi gotina Kombenda Nivîskaran û ya Jurî ya Xelatê jî hebe. Civîn wê bi beşdarbûna gelek kesayetiyên wêjeyî û navên di wêjeya Sûriyê de xwedî rol bê lidarxistin. Her wiha ji Rêveberiya Kobenda Nivîskarên Sûriyê jî dê kesên wekî Adil Beştawî, Husameddîn Mihemed, Helîm Yûsiv û Xetîb Bedlê jî di merasimê de amade bin.

Elqedmanî bar girtiye ser milê xwe

Xelata Elmezre;a ya Romanê berê bi piştgiriya Wezareta Çandê ya Sûriyê hatiye dayîn, lê wê çaxê di warê çîrokê de jî xelat hatiye dayîn. Niha ji aliyê Kombedê ve xelat tê dayîn û kesayetiya Sûrî Yehya Elqedmanî bi her awî lêçûyînên xelatê girtine ser xwe. Yehya Elqedmanî endezyarê çandiniyê ye. Ew ji  biçûkaniya xwe ve li ser helbest û wêjeyê dixebitî, lê dawiyê dest bi karûbarê karsaziyê kir, li Îmarata erebî bi cih bû û niha jî li wir wekî karsazekî Sûrî tê naskirin.

Roja serxwebûna Sûriyeyê

Ji ber ku roja 17'ê avrêlê wekî roja serxwebûna Komara Sûriyeyê tê nasîn,  ev roj wekî roja xelatdayînê diyar kirine. Kombenda Nivîskarên Sûriyê ku xelatê dide jî alîgirê opozisyonê ye û serokatiya wê ramangirê Sûrî yê navdar Sadiq Celal Elezim dike.