Enqere 

Girtiyên PKK’ê yên girtîgehên Anatoliya Navîn, der barê xendekên ku li sînorê Başûr û Rojavayê Kurdistanê tên kolan ji bo PDK’ê 150 name şandin. Lê rayedarên PDK’ê name qebûl nekirin û eq bi şûn de vegerandin.

Rayedarên TUHAD-FED a Enqereyê nameyên girtiyan duh ragihandin rêveberên nûneriya PDK’ê ya Enqreyê re. Lê rayedaran 150 name şûnde vegerand û polîtîkaya xweya li dijî rojava domandin.

Rêveberên TUHAD-FED a Enqereyê Hava Ozcan û Mehmet Baytekîn der barê nameyên girtiyan de bi nûnerê PDK’ê yê Enqereyê Omer Mîran re hevdîtin kirin. Der barê hvdîtinê de Baytekîn agahî da û got wan diyar kiriye ku xendekên tên kolan zirarê didin yekîtiya kurdan.

PDK’Ê NAME QEBÛL NEKIR

Baytekîn wiha got: “Me got hevalên wan yên di girtîgehê de xendekan protesto dikin. Me daxwaza wan bi nameyan ragihand PDK’ê. Lê rayedarê PDK’ê  Omer Mîran got; hatina we girîng e. Mijara xendekan ji me re nebêjin, ji PKK û YPG’ê re bêjin. Em nameyên girtîgehan qebûl nakin. Em bigirin jî emê biqelişînin û bavêjin.’ Min jî got ne rast e ku hûn bêyî ku li naveroka nameyan binêrin û bavêjin.

Baydekîn got wan ev helwesta wan rexne kiriye û got: “Ev helwest zirarê dide yekîtiya kurdan. Divê mesele di asta neteweyî de bê nîqaşkirin. Temsîliyeta me ya girtîgehan girîng e. Hevalên me yên hundir ji bo pêşeroja kurdan bedel dane. Ev bedel ji bo kurdan girîng e. Ev divê ji aliyê PDK’ê ve baş bê fêmkirin.

DIVÊ GELÊ BAŞÛR BIZANE

Yekane armanca xendekan ev e ku şoreşa Rojava têk bibin. Dixwazin şoreşa Rojava bikin qurbana berjwendiyan. Hêza wê têra vê nake. Nêzikatiyên wisa dê nebe asteng. Divê herî zêde jî gelê Başurê Kurdistanê vê bizane.

GREVA BIRÇÎBÛNÊ YA DU ROJAN

Girtiyan di nameya xwe de dan zanîn ku nêzî 10 hezar girtiyên kurd ji bo ku kolandina xendekan ya di dnavbera gelê me yê Başûr û Bakur de tê kolan protesto bikin dê bikevin gireva birçîbûnê ya du rojan.