DiyarName.Com

Ji Kobanî û ser sînor notên roja 25'ê mehê

Li Kobanî berxwedan, li ser sînor berxwedan didome. Vane notên roja 25'ê mehê hem ji nava Kobanî, hem ji ser sînor:

Dîrok: 25/09/2014

Diyarname

Li Kobanî berxwedan, li ser sînor berxwedan didome. Vane notên roja 25'ê mehê hem ji nava Kobanî, hem ji ser sînor:

Tangek hate şikênandin

- Berxwedana YPG/YPJ û gelê kurd a li Kobanî û ser sînorê Kobanî ya li dijî çeteyan kete roja xwe ya 10'an.

Di vê roja dehan de jî YPG'ê berxewdaneke bêhempa nîşan da. Duh êvarê li eniya rojhilat û rojavayê Kobanî pevçûninên mezin çêbûn. YPG'ê li eniya başûrê Kobanî jî şer gur bûbûn. Di şer de gelek çeteyên DAIŞ'ê hatin kuştin. Ji bo cenazeyên xwe bibin çeteyan bi tangan êrîş kir lê YPG'ê tangeke li vê derê şikênandin û têk bir.

Li gor ragihandina YPG'ê li eniya rojava bi şev 4 çete hatin kuştin. Li geniya başûr 15 çete hatin kuştin û 5 çeke jî ketine kestên YPG'ê Di vî şerî de 5 keleş jî ketine destên YPG'ê.

Li eniya rojava jî şerek giran çêbû. YPG'ê ji bo gundê Çemalî rizgar bike êrîş kir û şerek giran rûda. Di şerên li her sê eniyan de 8 şervanên YPG'ê jiyana xwe ji dest dan.

Li Rabîa emirekî çeteyan hat kuştin

Roja 24'ê mehê li Rebîa ku çeteyên DAIŞ'ê xwestin êrîşê YPG'ê bikin pêl li mayineke ku YPG'ê daxistibû erdê kirin. Di encamê de emirekî çeteyan ê bi navê Ebû Swîd dihat nasîn ligel 3 çeteyên din hat kuştin.

Dîmenên tangên tirkan*

Nûçe TV dîmeneke tangeke tirkan weşand û got ku tirên li ser tang hebûn derbasî herêma DAIŞ'ê bûn. Televîzyonê got ku dîmen li Deriyê Sînor ê Karkamiş ku girêdayî Cerablusê ye hatine kişandin. Herêma Cerablus û Karkamiş di bin destê DAIŞ'ê de ye ku ev der 45 kîlometre li aliyê rojavayê Kobanî ye.

Hat gotin ku ev dîmen di meha avrêlê de hatiye kişandin û ew nizanin ev tang û panzer çûne ku, bi çi armancî hatine bikaranîn.

Heyeta mafên mirovan

Heyeta ji parêzvanên mafên mirovan çû ser sînor. Heyeta di bin rêveberiya Serokê Giştî yê ÎHD'ê Ozturk Turkdogan de çû ser sînorê Kobanî. Di nav heyetê de ligel ÎHD'ê, nûnerên Komeleya Hemwelatiyên Helsinki, Goç-Der, TÎHV, Mazlur-Der jî hebûn.

Li Bruksel çalakiya Kobanê

Kurdistaniyên li ser banga KCD-E hatin gel hev li ber Parlamentoya Ewropa di roja duyemîn de çalakiya xwe domandin. Çalakvanên li Place Luksembourg hatin cem hev diruşmeya, "Kobanê Kurdistan e" bilind kirin.

Ji bo Kobanê li Berlînê çalakiya nobetê destpê kir

Bi pêşengiya Navenda Civaka Demokratîk a Kurd a Elmanya (NAV-DEM) Kurd û dostên wan ên li bakurê welat dijîn ji bo piştgiriya berxwedana Kobanê îro li paytext Berlînê hatin gel hev. Kurdên ji Kassel, Hannover, Saksen, Hamburg, Bremen û Oldenburgê û gelek bajarên din hatin Berlînê wê tevayê du rojan ji bo Kobanê li ser piyan bin.

Ji ATÎK’ê banga ji bo Kobanê

Federasyona Karkerên Tirkiyeyî ya Almanyayê (ATÎK) daxuyaniyeke nivîskî weşand, bang li rêxistinên girseyî yên demokratîk û raya giştî kir da ku bi Rojava re bikevin nav piştevaniyê. Federasyonê di daxuyaniya xwe de got ku agirê berxwedanê yê gelê kurd li Rojava daye destpêkirin, ji bo tevayî gelên bindest hêviyek e.

Li Tirbespiyê çalakiya ‘Kobanî keleha berxwedanê’ ye

Bi dirûşmeya 'Hebûna Kobanî hebûna Kuridstanê ye' bi dehan welatiyên bajarê Tirbespiyê, endamên Partiya Yekîtiya Suryanî û Rêxistina Asûrî xwepêşandaneke girseyî lidar xistin û gotin ku YPG rûmeta wan diparêze.

Ji bo şermezarkirina êrîşên çeteyên DAIŞ'ê yên li dijî Kobanê û silavkirina berxwedana bêhempa ya şervanên YPG'ê Tevgera Ciwanên Şoreşger a bajarê Tirbespiyê xwepêşandek lidar xistin û bang li hemû welatiyan kir ku tevlî bibin.

*Vaye ew dîmen: