Diyarname

Dayikên Şemiyê. Dayikên birûmet. Dayikên zarokên wan, keç û kurên wan, xwişk û birên wan, mêrên wan hatine binçavkirin û hatine windakirin... Dayikên ku tenê daxwaza goreke kir, daxwaza hestiyên windayiyên xwe kirin, ew dayikên ku ji ber vê xwestekê hatin binçavkirin, derb xwarin, lê tu demê huş nebûn, bêdeng neman... Ew dayik îro 500'emîn car li ber Lîseya Galatasaraya Stenbolê rûniştin û careke din daxwaza xwe anîn ziman. 

Ev bû 500 hefte û heta 500 hefteyên din jî, û heta dengek ji xizmên wan derên dê rûniştina xwe bidomînin.

Di 500'emîn hefteya rûniştina Dayikên Şemiyê de di serî de partiyên kurdan wekî HDP, DBP, saziyên pîşeyî yên wekî KESK, DİSK, TMMOB, partî û rêxistinên din, saziyên sivîl jî piştgirî dan dayikan û li meydanê rûniştin.

Bi hezaran kesî di vê 500'emîn hefteyê de careke din deng bilind kirin.

Wekî notek: Yekemîn car di 27'ê gulana 1995'an de Dayikên Şemiyê li ber Lîseya Galasaray rûniştin.