Li Amedê kurdan dengê xwe bilind kir. Di Newroza Amedê de Hevserokê KCD'ê Ahmte Turk, Hevseroka BDP'ê Gultan Kişanak û Şaredarê Bajarê Mezin ê Amedê Osman Baydemîr axivî.

Em hin notên ji axaftinêna wan pêşkêş dikin:

Kişanak: Komara Demokratîk ancak bi Kurdistana Xweser a Demokratîk pêkan e

Kişanak:
- Baweriya me bi gelê me heye heye. Sala 2011'an dê bibe sala aştî demokrasî û biratiyê. Her wiha dê bibe sala çêkirina makezagonekî demokratîk. Êdî gelê kurd dixwaze bi nasnameya xwe bi awayekî azad bijî. Êdî gelê kurd dixwaze bi zimanê zikmakî pewerdehiyê bibîne û astengiyên li pêşiya vê yekê bêne rakirin. Em dixwazin rêveberiyên herêmî yên xweser jî di makezagona nû dê cih bigirin. Projeya Xwerseriya Demokratîk xilasiya Tirkiyeyê ye. Komara Demokratîk encax bi Xweseriya Demokartîk û Kurdistana Xweser a Demokratîk mimkûn e. Ez bang li hemû hêzên Tirkiyeyê yên demokratîk dikim ku êdî destê me yê aştiyê bigirin. Em dixwazin her bi azadî û wekhevî bijîn. Em dixwazin bi Komareke Demokartîk bi hev re bijîn.

Ahmet Turk: Ji bo çareseriyê Destê Rêberê Gelê Kurd dirêj kirî bigirin
 
Turk:
- Agirê Newrozê Kawa vêxist, bi destê Mazlum Dogan gûr bû û îro em bi saya serê wan lengan vî agirî vêdixînin.
Ocalan ji bo çareseriya pirsgirêka kurd fersendeke mezin afirandiye û divê dewlet destê Rêberê Gelê Kurd dirêj kiriye bigire.
Îro têkoşîn û coşa we gelek tiştan tîne ziman. Em dizanin ku hûn ê îro ji bo çareseriya çalakiyên mezintir jî pêk bînin. Em ê hemû bi hev re biçin wan konên aştiyê ziyaret bikin û daxwazên xwe bînin ziman. Xwedîderketina li zimanê dayikê, ji bo avakirina Xweseriya Demokratîk xebatên pir girîng in.
Hilbijartinên giştî hene. Armanca hilbijartinan ne tenê çûyîna parlementoyê ye. Armanca esasî ew e ku em hemû kurd li dengên xwe xwedî derkevin û kolan bi kolan, tax bi tax dengên me ji me re bên. Her roj dibêjin, divê em li Kurdistanê dengên xwe zêdetir bikin û ji bo vê yekê her tiştî dikin. Heke wisa be ev ji bo me şermeke mezin e. Divê em dengên AKP'ê li ser vê axê ji holê rabikin û destûrê nedin siyaseta wê ya tasfiyeyê.

Şaredar Osman Baydemîr: Ocalan azad bibe dê gelê kurd, tirk, ereb û fars jî azad bibin

Baydemîr:
- Newroz bîranîna Seyîd Riza, Mazlum Dogan, Ronahî, Orhan Dogan, Vedat Aydin e. Em li ser rêya wan demeşin. Newroz çaresî ye. Çareseriya Xweseriya Demokratîk e. Em dê bi reng, ziman, nasmame û alên xwe bijîn. Gelê kurd Ocalan wekî vîna xwe qebûl dike. Azadiya Rêberê Gelê Kurd û kurdan bi hev girêdayî ye. Niha vîna gelê kurd di di zindana Îmraliyê de ye. Ger ku Rêberê PKK'ê Abdullah Ocalan azad bibe dê gelê kurd jî azad bibe. Ger ku gelê kurd azad bibe dê ereb, fars û tirk jî azad bibe."

**

Nûçeyên li ser Newroza 2011'an:

- Kurdên Stenbolê Kazliçeşme 'Dagir kir'

- Mîlyonek kesî li Amedê agirê Newrozê geş kir

- Îro jî ji bo Newrozê gel li qadan bû

- Li Îdir û Şirnexê bi deh hezaran kes li qadan bûn