Diyarname

Kovarên li ser mijarên taybet her taybetiya wan heye di nav civakê de û bi qîmetin jî. Kovara bi kurdî 'Psychology Kurdî' jî bi vî awayî. "Psychology Kurdî" ku nivîsên li ser plîsîkolojiyê bi kurdî pêşkêşî xwendevanên xwe dike hejmara xwe ya 3'yan derxist.

Kovara ku di bin banê Weşanên J&J de derdikeve li ser navê weşanxaneyê xwedî Mehmet Gungormuş û Berpirsê Giştî Azad Zal e. Di nav beja edîtoriyê de jî Sîdar Ozmen, Mihemed Elî Alûcî, Siyabend Aslan, Kenan Kedkar û Etman Yavuz hene.

Kovara ku ji çar mehan carekê derdikeve bi hejmara xwe ya gluan-pûşper-tîrmeh-gelawêjê li ber destan e. Di vê hejmarê de meseleya "Şin û şûn" derketiye pêş. Di hevpeyvîna ligel Prof. Dr. Vamîk D. Volkan re hatiye kirin de li ser mijarên şîn,şîna civakî, şîna sirûştî, şîna derûnnexweşî (psychopathological) û li ser dermankirina şînê hatiye sekinîn. Volkan wisa dibêje: "Me digot şîn piştî windayiyan du-sê salan de bi dawî dibe. Lê di rastiyê de hêmasaziya kes an tiştê windayî heta mirinê bi me re dimîne, şîn qet bi dawî nabe." Volkan li ser şîna zarokan jî wisa dibêje, "Ji ber ku di serên zaroken piçûk de îmaja kesên din rûneniştiye, şîna zarokan ji yan kamilan cuda ye. Ev zarokên piçûk gava kesekî yan tiştekî girîng winda dikin xwe wekî ku birçîne hîs dikin."

Prof.Dr.Jan Îlhan Kizilhan bi nivîs xwe "Nêrînek li ser pêwîstiya zimên ji bo tenduristiyê" bi zimanê zanistî girîngiya zimên, xweza û aramiya derûniya zimên rave dike. Ew dibêje, "Ziman ji bo sazkirina kesayetiyê alavek e, ji ber ku pêwîstiya mirov pê heye ku derbarê xwe de agahiyan bide."

Meseleya îstîsmarê ku li Tirkiyeyê ji rojevê danakeve, her pirsgirêkên bi vî rengî di çapemeniyê de cih digirin jî bûye mijara kovarê. Derûnas Mesut Umar li ser meseleyê nivîsa "Îstîsmar û îhmalkirina zarokan" mijar girtiye dest, bi kûrahî qala meseleyê, cureyên wê û bertek û encamên wê disekine. Ew wisa meseleyê radigihîne: "Encamên îstîsmar û îhmalkirinê pir giran in û li ser gelek mexdûran bi rengek mayînde dimînin. Piştî rûdanêke îstîsmarê çiqas zû mudaxele bê kirin ew qas dê bandora rûdanê bê kêmkirin. Ji ber vê yekê gava îstîsmar hat bihîstin divê alîkariyek profesyonel bê girtin."

Ev û gelek nivîsên bi vî rengî yên li ser psîkolojiyê di kovarê de cih girtine.

Ji bo têlikî û xwestinê:

psychologykurdi@gmail.com

ajansjj@gmail.com

+90 412 999 12 55