Diyarname

Belgefîlmê bi navê “Seyîd” ê derhêner Ozkan Kuçuk yekem car di Festîvala Fîlman a Stenbolê de wê bê nîşandayîn.

Derhêner Ozkan Kuçuk ku berê belgefîlmên wî yên bi navê “Pîlava Binok”, “Mamoste Arsen” û “Serxaniyên Diyarbekirê” bûbûn mêvanê Festîvala Fîlman a Navneteweyî ya Stenbolê vê carê belgefîlmê wî yê bi navê “Seyîd” di festîvalê de yekem derdikeve pêşberî temaşevanan.

Kuçuk di vê belegefîlmê xwe de çîroka bavê xwe ku di heman demê de Kalekî Elewîyan e vedibêje.

“Seyid Musa Dede” yekem kes e ku li gor navê wê yê îro “Cemevî”yê ava dike, bûye şahidê dîroka nêz a Tirkiyeyê û êşa ku bûye para wî girtiye. Ew kalekî 77 salî, di vî warî de xwedî agahiyên girîng e.

Belgefîlm digel wî ji Stenbolê dest bi rêwîtiyeke dike heta Dêrsimê; pêre qala bîranînên xwe yên zarokatiyê yên Dêrsima 38’an dike, li ser bingeha felsefeya elewîtî ya ku mirovî dikev navenda xwe disekine.

Elewiyên ku yek ji civakên ku azadiya bawerî û îbadeta wan hatiye astengkirin, îro xwedî gelek ‘cemevî’yan in lê tu ewlehiya wan a zagonî nîn e. Li dinyayê elewî yek ji van koman in ku azadiya bawerî û îbadeta wan ne di bi ewlehiyê de ne. Di roja me de ku li Tirkiyeyê li ser elewîtî nîqaş dibin de belgefîlmê “Seyîd” wê deriyeke nû li van nîqaşan û nêzîktêdayînan veke. “Seyîd” ji xwe re dike hedef ku di warê de xwe de bibe yek ji baştirîn belgefîlmên li ser vê meseleyê.

Belgefîlm wê 15’ê vê mehê saet 16.00’an de li Salona Muzeya Perayê ya li Beyogluyê bê nîşandayîn.

Nav: Seyîd – Li ser rêya heqîqetê
Derhêner: Ozkan Kuçuk
Yên beşdar bûne: Musa Kuçuk, Nadriye Kuçuk û Koma Semahê ya Cemeviya Seyit Seyfi ya Esenyali
Derhênerê dîmenê: Ozkan Kuçuk, Kazim Oz
Deng: Aziz Çapkurt
Vesazkirin: Ozkan Kuçuk:
Sazkar: Serra Bucak, Suncem Koçer
Ziman: Tirkî-Kurdî
Deqe: 80
Sal: 2010

Ozkan Kuçuk kî ye?

Derhêner Ozkan Kuçuk di sala 1975’an de li Dêrsimê hatiye dinê. Ji Beşa Endazyariya Hawirê ya Zanîngeha Yildiz Teknîkê di sala 1997’an de mezûn bûye. Bi teça xwe ya bi navê “Salên 90’î de Sînemaya Tirkiyeyê” li Beşa Radyo-Televîzyon û Sînemayê ya Zanîngeha Marmarayê lîsansa xwe ya bilind kiriye. Ji sala 1999’an ve li Kolektîfa Sînemayê ya Mezopotamyayê xebat kiriye, û nivîsên li ser sînemayê nivîsandiye.

Di fîlmê ”Guneye Yolculuk” (1998) a Yeşim Ustaoglu cîgiriya derhênerê cuherê, yê fîlmê ”Ax” (1999) û ”Fotograf” ê Kazim Oz de karê derhênerê dîmenê, cîgiriya derhêner û vesazkirin, di fîlmê Ozcan Alper ”Momî” de senaryo û cîgiriya derhêner, kameraman û vesazkarî girtiye ser milê xwe. Herî dawî jî di fîlmê Kazim Oz ”Bahoz” de sazkarî kiriye.

Kuçuk di salên 2003-2004’an de kordînatoriya Atolyeya Sînemayê ya Amedê kiriye.

Fîlmên wî:

2005 - “Pîlava Binot”, Video-Belgefîlm, 45 dq.,
2005 - “Li Serxaniyên Diyarbekirê”, Video-Belgefîlm, 27dq.
2004 – “Mamoste Arsen”, Video-Belgefîlm, 29 dq.,
2003 - “Yillar Sonra, İşte DİYAR-i BEKİR” (Piştî Salan Vaye Diyar-ê Bekir), Video-Belgefîlm, 70 dq.
1999 - “Karkerên Avahiyan”, Video-Belgefîlm, 23 dq. (Xebata komî)

Xelatên ku wî girtine:

“Li Serxaniyên Diyarbekirê”
- Festîvala Hawirê ya PAM, 2005: Xelata duyemîniyê
- Festîvala Fîlman a Navneteweyî ya Enqereyê, 2006: Xelata sêyemîniyê.
- Festîvala Fîlman a ji bo Aştiyê, 2006: Xelata Hawirê

”Bexçeyên Porteqalan”
Fona Balkan 2009, Xelata Pêşxistina Senaryoyê

***

Nûçeyên li ser 29'emîn Festîvala Fîlman a Navneteweyî ya Stenbole ên ku berê di Diyarnameyê de hatine weşandin:

-Festîvala Fîlman a Stenbolê deriyê xwe vekir

- Bilêtên fîlmên festîvalê li benda we ne

- Li Stenbolê 200 fîlm li benda we ne