Diyarname

Şa Performans ji bo hezkiriyên sînemaya kurdî sê rojan kurtefîlmên derhênerên kurd pêşkêş dike.

Şa Performans ku li Beyogluya Stenbolê li cihê xwe heta niha her lîstikên şanoyê pêşkêşî hunerhezan dikirin niha xebateke sînemayê jî da dest pê kirin. Di vê çarçoveyê de 3 rojan (8,9 û 10'ê vê mehê) dê kurtefîlmên derhênerên kurd pêşkêşî sînemahezan bikin.

Li ser xebata wan a nû me bi yek ji berpersên Şa Performansê Tuncay Ozel re xeber da. Ozel dibêje ku  li ser navê Şa Performansê wan îsal 3 lîstikên şanoyê amadekirin û gelek caran lîstin û wisa dibêje: "Ji ber ku şano û sînema zêde ji hev ne dûr in me got em ê xizmeta sînemaya kurdî jî bikin. Bi ya me gelek fîlmên kurdan her sal têne çekirin lê belê pirsgrekike mezin heye: ew fîlmê têra xwe nagihîjin pêş temaşevanan. Ciyê me ji pêşandana sînemayê re jî guncav bû, me got em jî kurtefîlmên kurdî dest pê bikin û wan fîlman bigihijînin temaşevanê wan."

Ozel dibêje wan bang li derhêneran kiriye, ji wan fîlmên wan xwestine û wisa didomîne: "Hemû ji bo me bûn alîkar û kêfxwes bûn. Gelek ji wan jî wê beşdarî bernameyên me jî binin. Naskirin û tekilîyan di navbera derhênerên me de jî ji bo me muhîm e. 

Niyeta me heye ku ji du mehan carek wekî festîvaleke biçûk, em derheneran û temaşevanan li hev bicivînin."

Di nav bernameyê de li dor 10 kurtefîlmên derhênerên kurd hene û di sê rojan de bi seansên cur bi cur dê bêne nîşandayîn.

Tuncay Ozel dibêje ew li benda temaşevanan in û dixwazin temaşevan xwedî li çalakiyê derên.

Ji bo kesên eleqedar cîhê nîşandayîna kurtefİlman:

Şa Performans 

Şehit Muhtar mahallesi Nane sokak No:5/2 Beyoglu Îstanbul