Diyarname
Belgefîlmê jiyaney pîrekey Serokdewletê DYA Donald Trumî Melania Trump beno belgefîlm.
Amazonî karê viraştişê belgefîlmî giroto serê milanê xwu û  û gorey xebera ke hamiya vilakerdişî go Brett Ratner derhênerî belgefîlmî bikero.
Aşma şî dest bi antişê belgefîlmî kerdo û hedef ew o ke ene amnanî temam bikerê. Belgefîlm go hem biko vîzyon, hem jî platformanê dîjîtal de bêro ramotnayişî.
Derhêner Brett Ratner heta enka fîlmê zey "Rush Hour", "X-Men", "Red Dragon", "Hercules: The Thracian Wars" ant bî. Serey 2017 ra nat ê Hollywood de fîlm nêanto. La ew bi meseleya tacîzî kewt bî rojev. Şeş pîrekan vat bî ke Ratnerî ê tacîz kerdê, la Ratnerî îdîa red kerd bî.

Melania Trump kam a?
Melania Trump serey 1970 de hamiya dinya. A mankene bî û dimara bî dîzaynkara mucewherî. A 2005 de Trumpî dir zeweciya û hema zî zewecnaye yê.