Diyarname
Di Kûpaya Dinyayê ya Klûban a FIFA'yê de dem dema fînalê ye. Di nîv fînalê de tîma fransiz PSG û tîma îngilîz Chelsea bi ser ketibû derketibûn fînalê. Ewê niha bi hev re ji bo girtina kûpayê bilîzin.
Maça fînalê 13'yê mehê li Stada MetLife li gor saeta Amedê saet 22.00'an de dest pê dike.
Li ser van her du tîmên fînalîst hin îstatîstîk û agahiyên me hene. Berî maça fînalê em lê binêrin:

- Hakêmê avustralyayê Alireza Faghani wê maçê bi rê ve bibe. Faghani bi eslê xwe ji Îranê ye, lê hemwelatiyê Avustralyayê ye. Anton Shchetinin û Ashley Beecham Wê alîkariya Wî bikin. Li VAR'ê jî hakêmê alman Bastian Dankert heye.

- Chelsea heta niha carek ev kûpa girtiye. Di sala 2021'ê de di fînalê de tîma îngilîz Palmeiras di dema zêdek de bi 2-1 têk bir û derket fînalê.
- PSG'ê heta niha ev kûpa negirtiye, cara yekê dê xwe biceribîne.

CHELSEA - PSG
- Chelsea di Dora 16'an de tîma Benfica bi 4-1, di çarîk fînalê de Palmeiras bi 2-1 têk bir û di nîv fînalê de jî Fluminense bi 2-0 têk bir û hat finalê.

- PSG'ê Di Dora 16'an de Inter Miami .i 4-0, di çarîk fînalê de Bayer Munih bi 2-0 û di nîv fînalê de jî Real Madrid bi 2-0'an têk bir û derket fînalê.

- Ji her du tîman PSG hê zêdetir tîmên xurt li dû xwe hiştin û heta vir hat.

PSG'Ê PIR AVÊTIN HINDIK XWARIN
- Chelsea ji maçên koman heta niha 14 gol avêt, 5 xwarin. PSG'ê di 6 maçan de 16 gol avêtin û tenê golek xwar.

- Di PSG'ê de bi 3 golan Fabian Ruiz lîstikvanê herî golavêj e, li Chelsea Hedro Neto jî bi 3 golan golavêj e.

12 TÎMAN EV KÛPA GIRTIYE
- Heta niha 12 tîmên cuda ev kûpa girtiye. Real Madrîdê 5 caran ev kûpa girtiye. Dûre Barselona tê bi 3 caran. BAyer Munih û Corithians her yekê 2 caran kûpa girtiye. Tîm^ne wekî Manchester United, Manchester City, Liverpool, Chelsea, Milan, Inter, Sao Paulo û Internacionalê her yekî carek ev kûpa girtiye.

- Ji PSG û Chelsea tîma PSG gavek din li pêş dixuye.