Agahiyên 23'yê mehê yên li ser Rojava...
 

....Ev nûçe her tê nûkirin...

 

Marine Le Penê ji bo Rojava rexne li Macron girt
Li Fransayê siyasetmedar Marine Le Pen siyasetmedareke rastgir a tund e. Le Penê li ser hesabê xwe yê X'ê peyameke belav kir û got, "Kurd dimirin. Kurdên li hemberî terorîstên DAIŞ'ê bi dilpolayî têkoşiyan niha hatine terkkirin û civaka navneteweyî jî ji bo vê yeKê çavên xwe digire."
Marine Le Pen di peyamê de got ku yê endamê DAIŞ û EL Kaîdeyê bû li Sûriyeyê xwe wekî serokomar ragihandiye û Emmanuel Macron jî li ber xalîçeya sor radixîne. Di rewşeke wisa de em dikarin der barê Macron de çi bejin? Le Penê di dawî de wisa gotiye, "Serokomar Macron bi sedema hurmeta bo îslamparêzî berpirsiyariya zilma kêmareyan digire ser milên xwe."
Penn nûçeya L'impontart'ê bi şiroveya xwe belav kir. "L'impontant"ê bi sernavê "Kobanî dimire û ne di xema kesî de ye" belav kiribû,

*
Heyeta DEM Partî ku ji Rojava vegeriya ligel partiyan wê bicive
Heyeta DEM Partî ku çûbû Rojava vegeriya; niha dixwaze li ser vê hevdîtina xwe ligel partiyên siyayî yên li Tirkiyeyê rêzehevdîtinan bike.
Armanc jê ew e tiştên li wir axivîne û dîten ragihîne partiyan. Hê bername nediyar e lê armanc jê ew e heta nava hefteya pêşiya me hevdîtinan temam bike.

*

Serfermandarê CENTCOM'ê ligel Ebdî û Şamê axivî

Serfermandarê CENTCOM'ê (Serfermandariya Hêzên Giştî ya DYA'yê) Amiral Brad Cooper li Başûr ligel Serfermandarê Giştî yê HSG'ê Mazlum Ebdî axivî. Dûre ligel Hikumeta Sûriyeyê têkilî danî.
Îdîa ji televîzyona Al Arabiya hatiye. Kanalê got ku Cooper duh (22'yê mehê) li Başûr ligel Mazlûm Ebdî axiviye û paşê çûye Sûriyeyê.
Televîzyonê gotiye armanc ji vê hevdîtinê ew bûye ku di navbera Şam û HSD'ê de şerawestinê bidomîne û li ser berina endamên DAIŞ'ê ji bo Iraqê axiviye.
Li ser vê nûçeyê CENTCOM'ê tu daxuyaniyeke fermî belav nekiriye.

*

Mazlum Ebdî sipasiya Mesûd Barzanî û Nêçîrvan Barzanî kir
Serfermandarê Giştî yê HSD'ê Mazlum Ebdî bi ser hesabê xwe yê X'ê re payama sipasiyê ji bo Mesûd Barzanî û Nêçîrvan Barzanî belav kir.
Ebdî got, "Em hewlên Serok Mesûd Barzanî û Kek Nêçîrvan Barzanî ên vê demê bilind dinirxînin. Piştgiriya wan a ji bo hewlên siyasî bi hevahengiya navbeynkarê Amerîkî berdewam dike. Ew hedef dikin ku pêvajoya entegrasyonê ligel Sûriyeyê bi serketinî bidome."
Ebdî di dawiyê got ku hem hewla rêberiya Herêma Kuridstanê hem rawestana gel ji aliyê gelê me ve hatiye teqdîrkirin.

*

LI SILÊMANÎ BI HEZARAN KES MEŞIYAN
Li Silêmanî ligel ku hewa gelek sar bû jî bi hezaran kes derketin qadê û ji bo Rojava meşiyan.

*

HTŞ'Ê ENDAMÊN DAIŞ'Ê BERDAN
HSD'ê ragihand ku ji Girtîgeha El Aktana a li Reqayê vekişiya ye. Piştî vê yekê gelek nûçe hatin belavkirin ku HTŞ'ê ew endamên DAIŞ'yê yên li girtîgehê berdane.
Li gor agahiyan 2 hezar endanên DAIŞ'ê li wê girtîgehê hebûn.
*

GEVER Û QOSER LI SER PIYAN BÛ
Li Geverê bi pêşengiya Platforma Saziyên Demokratîk a Culemêrgê ji bo piştgiriya Rojava meşek hat lidarxistin. Li ser navçeya DEM Partiyê Geverê meşê dest pê kir û heta navenda karsaziyê ya Zagrosê dewam kir. Li vir daxuyanî hat belavkirin. Mebûsê DEM Partî yê Culemêrgê Onûr Duşunmez li vir axivî û got, “Em di berxwedana Kobanî de bi ser ketin û em ê îro dîsa li Rojava serfiraz bibin. Em rêhevalên Arîn Mîrkan in..”
Li Qoserê jî gelek kes bi pankarta "Xwedî derketina li Rojava xwedîderketina li mirovahiyê ye" meşiya. 

*

BARZANÎ: JI BO KOBANÎ ÇI JI DESTÊ ME BÊ EMÊ BIKIN
Serokê Giştî yê PDK'ê Mesud Barzanî ev du roj in li Romayê ye û hevdîtinên xwe didomîne. Wî ligel Papa, Wezîrê Karên Derve yê Îtalyayê û Wezîrê Parastinê dan û stand, ji bo Rojava jî piştgirî xwest.
Barzanî li Nûnertiya Herêma Kurdistana Federe ya Romayê ji bo çapemenî axivî û got, "Dilê me bi Rojava re ye. Em tu carî alîgirên şer nebûn e. Lê ku kurd hedef bên girtin, em ji her tiştî re amade ne. Eger li Rojava plana tunekirina kurdan hebe divê bê zanîn ku em dê tev bibin yek.”

Barzanî ji bo dorpêça li dor Kobanî jî got "Çi ji destê me bê emê bikin. Em niha kar dikin ku herêmên kurdan bên parastin. Hevdîtin berdewam dikin û agirbest hatiye dirêjkirin."
*
LI WELATÊN DINYAYÊ ÇALAKIYÊN BO ROJAVA
Li bajarê Munîha Almanyayê, li banliyoyeke herêma Parîsa Fransayê û li paytexta Amerîkayê Washingtonê gelek kesan ji bo Rojava çalakî li dar xistin. Beşdaran piştgiriya xwe ya ji bo Rojava ragihandin.

*
5 Partiyên Tirkmenan ji bo Rojava bang kir
Li Herêma Kurdistana Federe 5 partiyên tirkmenan bi hev re daxuyaniyeke belav kirin û xwestin êrîşên li ser Rojava rawestin.
Turkmen Kalkinma Partisi, Turkmen Demokrat Partisi, Turkmen Şafak Partisi – Kerkuk, Turkmen Ulusal Kurtuluş Partisi û Turkmen Birlik Partisi daxuyanî belav kirin.
Wan xwest êrîş bêne rawestandin, ji bo mafê azad û mafê hemû pêkhateyan bê qebûlkirin rêya diyalog û hevdîtinê bê çêkirin.
Wan eşkere kiriye ku di vî warî de bila ji tecrubeya serketî ya Herêma Kurdistanê sûde bê girtin.
 

 

**

Hin nûçeyên eleqedar:
- 70 rexistinên li Ewropayê banga piştgiriya ji bo Rojava kir

- 22'yê mehê agahiyên li ser Rojava yên derketine pêş...

- Heyetê li Rojava daxuyanî da: Divê her kes tevli berxwedana Rojava bibe

- 21'ê mehê, nûçeyên li ser Rojava…

- Hevserokê DBP'ê Bayindir li Rojava axivî: Bila heyetên ji dinyayê jî bên vir

- 20'ê mehê, nûçeyên li ser Rojava…

- Hevserokên DEM Partî ji ser sînor bang kirin: Vî şerî rawestînin

- 19'ê mehê nûçeyên li ser Rojava...

-