Diyarname
Lijneya Rêveberiyên Herêmî ya Demokratîk a DEM Partiyê li ser êrîşên ser Rojava û rewşa xeter ya mirovî ya li Kobanê daxuyaniyek da. Lijneyê ragihand ku geşedanên li Rojava, bi taybetî li Kobanî ji bo her kesî dibin sedema fikarên kûr. Di daxuyaniyê de hat gotin ku nekarîna gihîştina pêdiviyên bingehîn ji bo sivîlan, bi taybetî zarokan dibe sedemê mirinan û hate diyarkirin ku ev rewş berpirsiyariyekê dixe ser milê her kesî da ku tedbîrên pêşîlêgirtinê bêne girtin.

Seferberiya alikariyê dest pê dike
Di daxuyaniyê de wiha hate gotin: “Em, wekî Lijneya Rêveberiyên Herêmî ya Demokratîk, digel hemû şaredariyên xwe, bi hestek berpirsiyariya mirovî û exlaqî me li hember vê rewşa giran hewldanek seferberiyê da destpêkirin. Şaredariyên me, meclisên bajaran û saziyên demokratîk hemû çavkaniyên xwe seferber dikin û ji bo pêkanîna daxwazên alîkariya mirovî yên lezgîn ên gelê Rojava pêvajoyek amadekariyê ya berfireh dimeşînin. Şaredariyên me dê di vê pêvajoyê de berpirsiyariyên xwe bi tevahî bicîh bînin.”

‘Korîdorên alîkariya mirovî vekin’
Di daxuyaniyê de bang li rayedarên dewleta Tirkiyeyê hat kirin û wiha hat gotin: “Ji bo ku alîkariya berhevkirî zû bigihîje xelkê Rojava, divê rayedar û saziyên peywendîdar korîdorên alîkariya mirovî vekin û ji bo vê pêvajoya girîng ti astengiyan dernexin.”

Banga seferberiya alîkariyê
Lijne her wiha ragihand ku tevahiya raya giştî piştgirî bidin kampanyayên alîkariyê û ev bang kir: “Em bang li tevahiya raya giştî dikin ku piştgiriyê bidin vê kampanyaya alîkariya mirovî ya ku ji hêla şaredariyên me ve hatiye destpêkirin û hevgirtinê xurt bikin. Agahiyên berfireh ên li ser kampanyayên alîkariyê yên ku ji hêla şaredariyên me ve werin destpêkirin jî dê bi raya giştî re werin parvekirin.”

*

Hin nûçeyên eleqedar:

-- 25'ê mehê, agahiyên li ser Rojava

-- 24'ê mehê, agahiyên li ser Rojava

- Heyva Sor a Kurd ji bo rakirina dorpêça li ser Kobanî banga lezgîn kir

- Koma Berxwedan bi stran û peyaman piştgiriyê dide Rojava

-- 23'yê mehê agahiyên li ser Rojava

- 70 rexistinên li Ewropayê banga piştgiriya ji bo Rojava kir

-- 22'yê mehê agahiyên li ser Rojava yên derketine pêş...

- Heyetê li Rojava daxuyanî da: Divê her kes tevli berxwedana Rojava bibe

-- 21'ê mehê, nûçeyên li ser Rojava…

- Hevserokê DBP'ê Bayindir li Rojava axivî: Bila heyetên ji dinyayê jî bên vir

-- 20'ê mehê, nûçeyên li ser Rojava…

- Hevserokên DEM Partî ji ser sînor bang kirin: Vî şerî rawestînin

-- 19'ê mehê nûçeyên li ser Rojava...

- Xalên Peymana Şam û HSD'ê eşkere bûn, ewê îmze bikin? (18.01.2026)