DiyarName.Com

...2'yê adarê; Şerê DYA-Îsraîl û Îranê...
Ev nûçe tê nûkirin...

Weqfa Nêrgiz Mihemedî: Rewşa girtiyan xirab e
Weqfa Nêrgiz Mihemedî a girtiya siyasî û çalakvana mafên mirovan îro derbarê rewşa girtiyên di girtîgehên Îranê de daxuyaniyek weşand. Di daxuyaniyê de wisa hat gotin, "Şerê di navbera Îran, Îsraîl û DYA’yê de, ji zarokan bigire heta girtiyan li ser sivîlan bûye gel û metirsiyeke mezin. Bombebaranên li nêzî Girtîgehên Evîn û Zencanê jî bûne sedema fikarên kûr. Ji ber ku van êrîşên leşkerî jiyana bi hezaran girtiyan xistiye metirsiyê."
Di daxuyaniyê de hat gotin ku girtîgeh hilweşiyaye û gardiyanan derî girtine, gihîştina pêdiviyên bingehîn hatiye astengkirin.
Her wiha hat gotin ku li Girtîgeha Qezihesarî ya Kerec û girtîgehên Lakanî Reşt bi kêmbûna xwarinê, girtina embar û xizmetên bijîşkî re rûbirû ne.
Weqfê ji bo girtiyan banga leşkîn kirin û got, "Em bang li Netewên Yekbûyî, Komîteya Navnetewî ya Xaça Sor û Bijîşkên Bêsînor dikin ku daxwaza bicîhanîna demildest ya protokolên ewlehiyê bînin cih.”
Duh Komîteya Daxwaza Serbestberdana Girtiyên Siyayî jî bal kişandibûn ser Girtîgeha Evînê.

Qetarê 2 balafirên Îranê xistin
Wezareta Parastinê ya Qetarê ragihand ku du balafirên şer ên Îranê ku hatine nav qada hewayî ya wan, bi serketî li wan dane û ew xistine. Li aliyê din wezaretê got ku wan 5 balafirên bêmirov ên îranî jî têk birin.

Kuweyt: Leşkerek me mir
Artêşa Kuweytê ragihand ku di dema operasyona ku hêzên wan ên çekdar pêk anîne, leşkerekî wan ê bêndergehê miriye.
**
Qesra Gulistanê zirar dît
Qesra dîrokî ya li Tehranê Qesra Gulistanê jî di encama êrîşên hewayî de zirar dît.
Qesra Gulistanê li başûrê Tehranê li nêzî Meydana Ergê, li nav sînorê sûrên kevn ên Tehranê ye. Qesr aîdê serdema Xanedana Qaçar e. Qesr di sedsala 13'an de hatiye çêkirin.
Di nav qesrê de du avahiyên sereke hene; Şems-ul Îmare (tê wateya 'Avahiya Rojê') di sala 1282'yan de hatiye çêkirin. Avahiya din bi navê "Salona Selam" e. Qesra Ebyez jî yek ji avahiyên din e.
Di sala 2013'yan de Qesra Gulistanê girtine nava Lîsteya Mîrateya Çandê ya Dinyayê ya UNESCO'yê.
***
Jina Xamaney jî mir
Du roj berê di dema êrîşê de Elî Xamaneyî miribû, jina wî Mensûre Huceste jî birîndar bûbû. Huceste piştî du rojan bi kuştina mêrê xwe, îro mir.

CENTCOM: 4 leşkerên DYA'yê mirin
Serfermandariya Hêzên Navendî ya DYA'yê CENTCOM'ê ragihand ku ji roja şer re heta 2'yê mehê 4 leşkerên DYA'yê canê xwe ji dest dane. Serleşkerî duh gotib3u 3 leşkerên DYA'yê mirine, yek jî bi giranî birîndar bûye, ew jî mir. Heta niha 5 leşkerên DYA'yê jî birîndar in.

Serokwezîrê Spanyayê Sanchez: Ev şerek derveyî hiqûqa navneteweyî ye
Serokwezîrê Spanyayê Pedro Sanchez li ser şer îro daxuyanî da. Va ne çend gotinên wî:
- Em vê bibîr bixin, rejima Îranê rejimeke dijî wê nefret heye, gelê Spanyayê jî dijî vê rejimê ye. Lê di heman demê de em bi mudexeleyeke leşkerî ya derveyî huqûqa navneteweyî, mudexeleyeke ne hewce û bi talûke ne.
- Şerek bêyî biryara Kongreya DYA'yê yan jî peywirdarkirina Konseya Ewlehiya Neteweyên Yekbûyî divê mirov dijî vê be. Wekî berê jî min gotiye şerek wisa hiqûqa navneteweyî binpê dike.
- Spanya wisa difikire; Cihê ku Spanya lê ye ev der e û baweriya min ev e ku divê hemû Yekîtiya Ewropayê wisa bifikire.

Fuzeyên Îranê li Îsraîlê 17 kes birîndar kirin
Îranê bi fuzeyan li bajarê Beerşeba ya Îsraîlê da. Bi bandora guzeyên balîstîkî 17 kes birîndar bûne.

**
Serfermandarê DYA'yê: Operasyon dê bidomin
Wezîrê Şer ê DYA'yê Hegseth û Serfermandarê Giştî yê DYA'yê Dan Caine bi hev re li ser Şerî Îranê daxuyanî dan çapemeniyê.
Serfermandar Caine got: Ev ne operasyoneke ji bo şevek tenê ye. Emê hê zêdetir zerarê bidin wan. Ev operasyoneke mezin a şer e. Ji 100'î zêdetir amûrên şer ên hewayî yên DYA'yê di operasyonê de cih digirin.
***
Hikumeta Lubnanên Çalakiyên Hîzbullahê qedexe kirin
Serokwezîrê Lubnanê Nawaf Selam eşkere kir ku hikumeta wan li Lubnan çalakiyên leşkerî yên Hizbullahê qedexe kirine.
Hîzbullah ku di heman demê de piştgirê Îranê ye êrîşê Îsraîlê kiribû. Hikumetê piştî vê yekê ev daxuyanî belav kir.
Li aliyê din Selam got ku wan ji Hîzbullahê xwestiye çekên xwe teslîmê hikumeta Lubnanê bikin.
**

Heyva Sor a Îranê: 555 kes mirin
Heyva Sor a Îranê (IRCS) eşkere kir ku li welatê wan di encama êrîşên 3 rojan de 555 kes mirine. Saziye gotiye li 131 navendan bandora şer çêbûye. Saziyê diyar kir ku bi sed 100 hezarî de peywirdarên wan ê lêgerîn-rizgarkirinê li ser kar in.
**

Baregehên Îranê yên li Sineyê hatin bombekirin
Îsraîl û DYA'yê îro tevahiya navend û baregehên rejîmê yên li bajarê Sineyê bombebaran kirin.
Îro serê sibê li Sineyê rêze êrîşên hewayî li dijî hêzên rejîmê hatin kirin. Hate gotin ku di êrîşan de gelek navendên ewlehî, leşkerî û îdarî yên girîng hatine bûne hedef.
Hat gotin ku balafirên Îsraîlê li bajarên Kirmanşa, Mehabar û Ûrmiyeyê jî li baregehên Îranê dane.
**

3 Balafirên DYA'yê têk birin
Fermandariya Navendî ya Amerîkayê (CENTCOM) bi daxuyaniyek fermî ragihand ku balafirên F-15 yên girêdayî wan ji bo piştgiriya operasyona li dijî Îranê dema li hewayê bûn, bi êrîşekê re rû bi rû man.
CENTCOM'ê got ku di dema pevçûnên dijwar ên li dijî balafir, fuzeyên balîstîk û dronên Îranê de, pergalên parastina hewayî yên Kuweytê bi şaşî balafirên Amerîkayê kirine hedef.
Berî vê daxuyaniyê Îranê gotibû ku wan balafirên Amerîkayê daxistine.

**

Îranê li Aramcoyê da; ev der çima girîng e?
Şerê di navbera DYA-Îsraîl û Îranê de ket roja sisêyan. Vê sibê Îranê bi fuzeyan li qada petrolê ya Erebistana Siûdî Aramcoyê da.
Aramco çima girîng e?
Ji ber ku ev der cihê bingehî yê aboriya Erebistana Siûdî ye. Li Aramcoyê Siûdî xwedî rezervên gelek mezin ên petrola xam e. Ev der bingeha petrola xam a herî mezin a dinyayê ye. Ji bo Erebistana Siûdî riha sereke ya aboriyê ye.
Ev êrîş dikare bibe sedem ku şer ber bi navenda Rojhilata Navîn ve here.