Diyarname
6 fotoyên dema îdamkirina Seyîd Riza derketin holê. Dîrokzan Dr. Sedat Ulugana ev foto derxistin holê û StêrK TV ew belav kirin.

Dr Sedat Ulugana niha li Zanîngeha Freie ya Berlinê akademîsyenî dike. Ulugana ew foto derxistin holê.

Ji şahidên bûyeRê Îhsan Sabri Caglayangil di bîranînên xwe de gotibû, "Di dema înfazê de polîsek bi pênaseya 'Macar Mustafa' fotoyên Seyîd Rizayê li sêdarî daliqandî kişandin. Fotoyên hatin kişandin teslîmê Wezîrê Karên Hundir ê wê demê Şukru Kaya kirin. Wî jî di dema taştê de ev foto dan Atatürk. Ataturkî dema ev foto dîtin hêrs bû û got, 'Ev çi rezalet e. Herîf Seyîd e, ev foto dikare hemû kurdan rake ser piyan' û ferman da ku hemû fotoyan ligel negatîfên wan bişewitînin."
Lê Dr Ulugana dibêje ligel fermana Atatürk jî temamê negatîfan nehatine şewitandin û diyar dike ku yek ji amadekadên Zagona Bingehîn a derbeya 1960'î Hifzi Veldet Velidedeoglu gotiye 'Wî li Tunceli Halkevi fotoyên îdamkirina Dêrsimê dîtine."
Ulugana li ser fotoyan dibêje, "6 fotoyên cuda bi formata "Real Photo Post Card" (RPPC), yanê raste rast li ser kaxizê fotografan hatine çapkirin: Ev mînak li gor "souvenir photography" (fotografkariya bîranînê) klasik, lê ew qasî jî mirovan aciz dikin."
Di fotoyan de sê darên stûr hema rastgo hatine sazkirin, kesên li vir hatine daliqandin, li aliyê pişt jî jendirme/leşkerên bi unîforma, di kadraja dûr de mirovên sivîl ên bi meraq dinerin jî hene. Li aliyek fotoyê avahiyeke ji kevir (îhtîmal e Qonaxa Hikumetê yan jî avahiya leşkeriyê ye), li aliyê din dikanên bazara genim cih digirin.
Ulugana diyar dike ku kîteyên di fotoyan de nîşan dide ku înfaz ne li cihek tenê, li cihên cuda pêk hatiye. Ulugana wisa dibêje, "Rûyê Seyîd Riza, kurê wî û endamên din ên eşîran, û lingên wan bi taybetî xwestine bi hubrek reş veşêrin. Li aliyê din xirabûna fîzîkî ya fotoyan nîşan dide ku ew bi dehan salan di koleksiyona leşkerî taybet de, îhtîmalek mezin di koleksiyona memûrên herêmî, yan a sûbayan de hatine veşartin, wekî 'siya belgeyek' hebûna xwe parastine. Li pişt fotoyeke nivîsa 'Seyîd Rizo' tê xwendin. Îhtîmaleke mezin ev nivîs paşê hatiye nivîsin. Di yekê de 'ALî Mîrzaoglu', ya din de 'Hasso Seydo' nivîsandiye.

7 kesên hatine îdamkirin ev in:
- Seyîd Rizadî 
- Reşik Huseyîn (Kurê Seyîd Riza)
- Seyîd Huseyîn (Rêberê Qureyşan-Eşîrê Seyhan)
- Findik Axa (Kurê Kamer Axa yê ji Yusufan)
- Hesen Axa (Kurê Cebrail Axa, rêberê eşîra Demenan)
- Hesen Ji Qureyşiyan, kurê Ulkiye)
- Elî Axa (Kurê Mîza Elî)

Ji jotoyên ku Dr. Sedat Ulugana derxistine holê û Stêrk TV belav kirine çend heb.