Diyarname
Xelata Lîstikvanên Herî Serketî yên Salê "Goga Zêrîn" (Ballon d'Or) ji sala 1956'an ve tê dayîn. Niha berendamên van xelatan hatin diyarkirin.

Kovara France Football di sala 1956'an de dest bi dayîna vê xelatê kir. Pêşî lîsteya dirêj tê amadekirin ku niha ew hatiye amadekirin. Di nav vê lîsteyê de 30 berendam hene.

Dûre ji nav vê lîsteyê lîstikvanê herî serketî, golavêjê herî serketî, 11'ên herî serketî diyar dibin.

Di nav lîsteya 30 berendaman de 10 jê ji PSG'ê (Paris Saint-Germain) ne. PSG par di Lîga Şampiyonan a UEFA'yê de bûbû şampiyon û cara diduyan ser hev de kûpa biribû mala xwe. Ji PSG'ê 9 berendam hebûn, Ferran Torres ê ji Barselonayê jî transferê PSG'ê bû, bi vê re bûn 10 berendam.

Par ji PSG'ê Ousmane Dembele "Ballon d'Or" girtibû, ew dîsa d nav lîsteyê de ye. 
Lionel Messi ku heta niha herî zêde wî ev xelat girtiye dîsa di nav lîsteyê de ye.
Va ne berendam:
- Jude Bellingham, Kylian Mbappe, Vinicius Junior (Real Madrid), Marc Cucurella (Chelsea/Real Madrid), Ousmane Dembele, Achraf Hakimi, Khvicha Kvaratskhelia, Vitinha, Marquinhos, Nuno Mendes, Joao Neves, Willian Pacho, Fabian Ruiz (PSG), Erling Haaland (Manchester City), Rodri (Manchester City/Barcelona), Gabriel Magalhaes, Declan Rice, William Saliba (Arsenal), Luis Diaz, Harry Kane, Michael Olise, Dayot Upamecano (Bayern Munih), Pau Cubarsi, Lamine Yamal (Barcelona), Ferran Torres (Barcelona/PSG), Lautaro Martinez (Inter), Bruno Fernandes (Manchester United), Lionel Messi (Inter Miami), Sadio Mane (Al Nassr), Julian Quinones (Al Qadsiah)