Diyarname
Ev kî ne di nav "Heyata Rûsipiyan" de cih girtin? Ji kîjan baweriyê ne, çiqas heq dikin?

Hikumetê lîsteya (Akil İnsanlar Heyeti) "Heyeta Rûsipiyan" ku ji 64 kesan pêk tê eşkere kir. Îro jî dê bi wan re hevdîtinê pêk bîne. Kî ne ev nav, ji kîjan alî ne? Li nav civakê rola wan çi ye? Hin kesên heq dikin û hinên heq nakin jî hene.

Vane hin kîteyên li ser lîsteya heyetê:

- Di lîsteyê de ji çapemeniyê 26 kes hene. Ji van 4 jê ji Yeni Şafakê, ji Bugun û Starê 3 û ji Zaman û Radikalê 2 kes hene.
Ji van rojnameyan Yeni Şafak, Bugun, Star, Zaman alîgirên hikumetê ne.

- Kordînatorê Yeni Akîtê (Hasan Karakaya) ku bi fikra xwe êrîşê gelek rewşenbîrên Tirkiyeyê dikir jî di nav lîsteyê de ye.

- Ji rojnameya Tarafê 5 kes cih digirin ku, herî zêde ji vê rojnameyê kes hene. Oral Çalişlar, Mithat Sancar, Vahap Coşkun, Murat Belge tê fêmkirin lê Yildiray Ogur çima heye, nayê fêmkirin.

- Ji rojnameyên çepgir Birgun, Sol, Evrenselê kes tune ye. Dîsa ji rojnameyên kurdan Ozgur Gundem û Azadiya Welat jî kes tuneye. Ji çapemeniya "neteweperest" rojnameyên wekî Sozcu, Cumhuriyet, Aydinlik, Yurt gibi jî kes tune ye.

- Du mebûsên AKP'ê yên berê jî ketine lîsteye (Abdurrahman Kurt, Mehmet Emin Ekmen), çima?

- Hin kesên wekî rewşenbîr, wekî rûsipî li nav civakê têne qebûlkirin jî hene, wekî Mehmet Altan, Hasan Cemal, Cengiz Çandar, Nuray Mert, Îsmaîl Beşîkçî lê ew nexistine lîsteyê.

- Di lîsteyê de kesên bi fikir û baweriya oldar zêde li pêş in. Ji Abdurahman Kurt, Hayrettin Kahraman, Hilal Kaplan, Ahmet Taşgetiren, Cemal Uşşak, Fehmi Koru, Fadime Ozkan, Mehmet Emin Ekmen, Mustafa Armagan bigire heta Abdurrahman Dilipak, Hasan Karakaya, Nihal Bengisu Karaca...

- Di nav lîsteyê de hindik bin jî hin kesên vî navî heq dikin û di nav rewşenbîran de cih digirin jî hene. Wekî Avni Ozgurel, Tarhan Erdem, Mithat Sincar, Baskin Oran, Murat Balge, Celalettin Can, Yucel Sayman...

- Lîste bi dilê hikumetê ye, lê aliyê kurd dê çi bibêjin hê nediyar e.

***

- Herêm bi herêm lîsteya "Heyeta Rûsipiyan"

- Onder ji bo 'Rûsipî'yan kî pêşniyar kir?

- Lîsteya koma 'Rûsipî'yan diyar dibe