Diyarname
32’yemîn Festîvala Fîlman a Navneteweyî ya Stenbolê îsal di navbera 30’yê adarê û 4’ê avrêlê de li dar dikeve. Niha Serokê Juniya Laleya Zêrîn a Pêşbaziya Neteweyî diyar bû. Derhêner Taygun Pirselimoglu ku di sala 2002’Yan de “Hiçbiryerde” kişandibû bal kişandibû ser xwe. Pirselimoglu paşê sê fîlm wekî rêzeye bi navê “Riza”, “Pus” û “Saç” kişandibû, li ser bingeha “wijdan û mirin” sazkiribû ev filmên xwe. Tayfur Pirselimoglu niha bû Serokê Pêşbaziya Neteweyî ya Laleya Zêrîn a Festîvala Fîlman a Navneteweyî ya Stenbolê.
Pirselimoglu digel fîlmên xwe bi pirtûkên xwe jî tê nasîn,. Wî yekemîn romana xwe “Çol masallari” (Çîrokên Çolê) di sala 1996’an de, “Kayip Şahislar Albumu” di sala 2002’yan de û “Şehrin Kuleleri” jî di sala 2005’an de nivîsîbû. Pirtûka wî ya çîrokan “Otel Odalar” jî di sala 2009’an de derketibû. Pirselimoglu herî dawî par bi navê “Harry Lime'in En Yeni Hayatları ya da Uçuncu Adam'a Ovgu” weşandibû.

Tayfur Pirselimoglu ku bi fîlmên xwe heta niha gelek xelat girtine di warê wêne, senaryo û derhêneriya de li hin bajaran dersan dide.

Juriya di bin serokatiya Pirselimoglu de îsal di warê Fîlmê Herî Serketî, Derhênerê/ Herî Serketî, Lîstikvanê/a Herî Serketî, Senaryoya Herî Serketî, Derhênerê/a Dîmenê yê/a Herî Serketî, Montaja Herî Serketî, Muzîka Herî Serketî, û Xelata Taybet a Juriyê de xelatgiran diyar bike.

Serîlêdan hat dirêjkirin

Her wiha roja dawî ya serîlêdana Festîvala Fîlman a Stenbolê 28’ê vê mehê bû lê li ser daxwazê ev roj heta 1’ê reşemiyê hat dirêjkirin,
Yên ku bixwazin fîlm, belgefîlmên xwe ji bo festîvalê bişînin divê heta 1’ê reşemiyê bişînin navenda festîvalê  (Navnîşan: Nejat Eczacıbaşı Binasi, Sadi Konuralp Cad. No: 5 Şişhane, Stenbol)