Diyarname

Serokomariya Tirkiyeyê, Walîtiya Stenbolê û Şaredariya Stenbolê roja 7'ê gelawêjê li Yenîkapiya Stenbolê mîtîng li dar dixin. Ji bo vê çiqas pere têne xerc kirin? Îstatîstîkên gelek ecêb li hêlê ne.

Serokomarê Tirkiyeyê Recep Tayyip Erdogan ji partiyên meclisê bangî CHP û MHP'ê kir. HDP di mîtîngê de nîn e. Aliyê wî yê siyasî em li hêlekê dihêlin, îstatîstîkên li ser mîtîngê pêşkêş dikin. 

Şaredariya Bajarê Mezin a Stenbolê îstatîstîk pêşkêş kirin. Fermo li îstatîstîkan binêrin û texmîn bikin ku dê çiqas pere bê xecrkirin:

- Ji aliyê Anadolû û Ewropayê otobus bê pere gel dibin heta mîtîngê. Ji bo seqetan jî 50 otobusên cuda hatine terxankirin. Li rê îstasyonên belavkirina av û îkramê têne çêkirin.

- 200 heb keştî ji bo kesên bi ser behrê re bêne mîtîngê terxan kirine. Her wiha 50 maşînên behrê jî seferên rîngê dê bikin. Metro, metrobus û Marmaray jî têde hemû bê pere ne.

- Mîlyon û nîv şewqe hatine amade kirin.

- 2 mîlyon û nîv alên Tirkiyeyê hatine amadekirin û dê bêne belavkirin.

- 5 mîlyon heb şûşeyên avê dê bên belavkirin.

- Sehneya li ser axaftin dê bê kirin 60 metre fireh, 16 metre bilind e

- Di quweta mîlyonek watt de pergala deng hatiye sazkirin. Ji bo vî dengî 20 heb kûleyên deng hatine danîn. Bi vê heta kîlometre û nîv mirov dê bikaribin rehetî lê guhdarî bikin.
- Pergala deng, 22 heb LED, 4 jî jenerator ji bo enerjiya deriyan hatine çêkirin. Komek ji 300 kesî pêk hatî 3 rojan ji bo pergalê xebitîne.

- Deng û dîmen ji ser vîncan re dê bê pêşkêş kirin ku ji bo vê 6 hezar metre xelat (werîs/benê hesinî) hatiye bikaranîn. Ji bo pêşkêşkirina dîmenê jî 5 hezar metre xeta fîber hatiye sazkirin.

- Li meydanê 165 dedektorên metal, 22 X-Ray hatine sazkirin.

- Li mîtîngê polîs ne têde, 13 hezar kes (ji bo paqijî, belavkirina malzemeyê, amadekirina qadê, koma teknîkê, ekîba organîzeyê) hatine peywirdarkirin.

- Ji bo weşana zindî 16 kamera kar dikin; ji bo vê, 32 kanal maseya dîmenê, 64 kanal ji bo maseya deng, 32 kanal pergala înterkom, 8 kanal ji bo pergala întercoma kablo, 5 hezar metre kabloya ji bo kamerayan, 3 kîlometre kabloya ji bo vîdyoyê, 2 jimmy jip têne bikaranîn. Her wiha 38 kes di dema weşana zindî de wê kar bikin.

- Bi giştî 102 ambûlans normal, ambûlanseke ser behrê, helîkopter ambûlansek û 20 heb erebeyên îtfaîyeyê dê li qadê amade bin. Her wiha 728 xebatkarên tenduristiyê li qadê dê peywirdar bin.