Amed
Li Amedê dê kongreya tibê li dar bikeve lê vê carê bi kurdî. Yekem car li Tirkiyeyê dê kongreya tibê bi kurdî li dar bikeve.

Li gor nûçeya Hikmet Erden a di DÎHA'yê de 1'emîn Rojên Tibê ya Mezopotamyayê dê di navbera 22-24'ê kewçêrê de,li Sanola Civînê ya Cegerxwîn li dar bikeve. Li ser vê yekê Serokê Odeya Tibê ya Amedê Dr. Selçuk Mizrakli wisa gotiye: "Di dîroka Tirkiye û dinyayê de yekem car kongreya tibê bi kurdî li dar dikeve. Kongreya ku dê bi awayekî navneteweyî li dar bikeve ji Iraq, Îran, Suriye û Tirkiyeyê dixtorên ku li herêma kurdan dijîn û ji Ewropayê gelek dixtorên kurd dê li dar bikevin.

Mebûsê TÎP'ê yê berê Dr. Tarik Ziya Ekinci dê serokatiya rûmetê, Dr. Selim Olçer jî serokatiya kongreyê bike.
Ji parçeyên din ên kurdan li dor 300 dixtorî hatine vexwendin. Her wiha dixtorên tirk û hin ji Ewropayê jî hatine vexwendin. Di kongreyê de axaftin bi awayekî sîmultane dê cih de ji bo kurdî, tirkî û îngilîzî bêne wergerandin.
Di kongreyê de dê li ser mijarên wekî "Li Rojhilata Nêz pergalên tenduristiyê" "Xirabûna Stresê yên Pravmatîk", "Nexwexiyên enfeksiyonî yên li herêmê", "Di nexweşiyên qansêrên kolotekral de zûpêhesî û dermankirin" bêne rawestandin.

Wekî notek Diyarnameyê: Kongre bi kurdî dê li dar bikeve lê afîşa hatiye amadekirin bi tirkî ye. Di dema ku hê nêzî du mehan jêre maye de hêvî heye afîşên bi kurdî bêne amadekirin.