Diyarname
19'emîn Kongreya Neteweyî ya Partiya Komunîst a Çînê li Salona Mezin a Gel a ku li Meydana Tiennanmen a li paytext Pekînê ye dest pê kir.
Partiya Komunîst a Çînê (PKÇ)  Kongreya Xwe ya Neteweyî da dest pê kirin. Serokdewlet û Sekreterê Giştî yê Partiyê Şi Cinping diyar kir ku di 5 salên dawî de wan pêşketinên girîng bi dest xistine. Şi Cinping got ku di serdema pêşiya me de ji bo refehê gel ewê partiyê modern bikin, pêşî li karên nelirê bigirin û reforman saz bikin.
Her wiha Şi Cinping got ku ewê helwesta vebûna ji bo derve zêdetir bikin û ewê ticareta lîberal teşwîq bikin.
Wî diyar kir ku Sosyalîzma li gor şêweya Çînê dê di navbera salên 2020-2050'î de serdemek nû bide dest pê kirin, di vê demê de dê civakek dewlemend, xurt û li hevkirî ava bikin, bingeha Sosyalîzma Partiya Komunîst a Çînê jî modern bikin.
Şi wisa got: "PKÇ divê ji bo rûbirûbûna newekheviya di navbera gund û bajaran de; belavkirina dahatuya neadil a di navbera herêman, ji bo bi van re rû bi rû bimîne divê amade be. Dîsa divê dijî helwdnanê dij serdestiya Çînê derdikevin bisekine. Mirovên me di warê kar, perwerdehî, tenduristî û mal û milk û di warê lênêrîna extiyaran de bi gelek pirsgirêkan re rû bi rû ye.
Ji nûnerên hikumet, leşker, şîrtekên dewletê, endamên partiyê, nûnerên eyalet û herêmên xweser, bi giştî 2 hezar û 287 delege beşdarî kongreyê dibin. Kongre dê roja 24'ê mehê bi dawî bibe. Di kongreyê de endamê Komîteya Navendî ya PKÇ'ê, endamên Komîteya Polîtburoya PKÇ'ê û endamên Her Kesî yên Polîtburoyê dê bêne nûkirin.