Mêrdîn
Li Mêrdînê, qişleya siwaran a ku di dema Ebdulhemîdê Duyemîn de hatibû avakirin ji aliyê Weqfa Sabanci ve hate restorekirin û wekî "Galeriya Hunerê ya Dîlek Sabanci û Muzeya Bajêr a Mêrdîyê ya Sakip Sabanci" hate vekirin.
Di vekirina muzeyê de Wezîrê Dewletê Mehmet Aydin, Wezîrê Çand û Tûrîzmê Ertugrul Gunay, Seroka Heyeta Mutuvelli ya Weqfa Sabanci Guler Sabanci, jina Sakip Sabanci Turkan Sabanci, Serokê Karên Diyanetê Ali Bardakoglu, Patrîkê Fener Rumê Bartholomeos, Serokhahamê Museviyên Tirkiyeyê İshak Haleva,Cîgirê Patrîgê Ermeniyên Tirkiyeyê Aram Ateşyan, Şaredarê Mêrdînê Beşir Ayanoglu, karsaz Bulent Eczacibaşi, Halis Komili, Başaran Ulusoy, Yilmaz Ulusoy û Zeynel Abidin Erdem jî têde gelek hunermend, karsaz û vexwendiyên din amade bûn.
Di axaftina vekiinê de Guler Sabanci da zanîn ku Mêrdîn bajarekî gelek xweş e û wiha dom kir: "Em li cihekê ne ku wekî zeman rawestiya be. Li vî bajarî xweşikiya jiyana bi hev re jiyînê heye. Sakip beg jî kesek wisa bû. Em fikirîn ku ev muze dê li gor wî be."
Ji bo vekirina muzeyê ev sê sal bûn ku xebat dom dikir û dê di muzeyê de berhemên etnografîk bêne pêşkêş kirin, di heman demê de dê wekî galeriya hunerê kar bike.
Avahiya ku bûye muze di nav qada SÎT'ê ya Mêrdînê de cih digire. Di dema Siltan Evdilhemîdê duyemîn de ev der ji aliyê Waliyê Amedê Haci Hasan Beg ve ji bo qişleya siwariyan bê bikaranîn hatiye avakirin. Dûre ev der wekî şaxa girtina leşkeran a ji bo leşkeriyê hatiye bikaranîn. Avahî di navbera salên 1991 û 2003'yan de jî wekî daîreya bacê hatiye xebitandin. Avahiya ku mîmariya wê aîdê Serkis Elyas Lole ye du qat e û Weqfa Sabanci di sala 2006'an dest bi restorekirina wê kirin.