Diyarname
Di Premier Lîgê de bahoza Manchester City (MC) didome. Ew îro hem di derbî de bi ser ket, hem bû şikîrê rekorê û  hem jî tiştek din nîşan da: Lîstina wekî Barselona.

Tîma îngilîz MC îro ligel reqîbê xwe yê her demî Manchester United (MU) lîst û bi 2-1 bi ser ket. Bi vê yekê di hefteyan 16'an de pûanên xwe derxistin 46'an û ber bi şampiyoniyê ve bi gavên mezin baz dide. MU bi 35 pûanan di rêza duyemîn de ye. MC bû şirîkê rekora Arsenal a di Lîga Premier de ku 14 hefteyan ser hev de bi ser dikeve. MU ku ev 40 hefte bû têk nediçû, MC'ê dawî li vê rêzeya wê jî anî.

'Me nîşan da wekî lîstina Barselonayê li vir jî dibe'
Piştî maçê Teknîk Dîrektorê Barselonayê Pep Guardiola axivî û bal kişand ser lîstika Barselonayê ku her gog di destê wan de ye. Vaye notên axaftina Guardiola:
- Me nîşan da ku fûtbola bi vî şiklî dikare li Îngilistanê jî bê lîstin. Mirovan digot tenê li Spanyayê dikare bê lîstin, lê dilpolayî bi me re hebû ku em bi vî awayî bilîzin û nîşan bidin.
- Par li vê derê em bi ser ketin û hinan hakêm sûcdar kirin. Îro dîsa xetayên hakêm hebûn. Em tîmek in ku dixwazin gogê bilîzin. Em vê yekê bi sedî 75 lîstina bi gogê nîşan didin. Em ji bo serketinê hatibûn vir û em bi ser ketin.
- Tiştek ne hêsan e mirov li Old Traffordê (sehaya MU) bilîze. Me kir ku lîstikek bi sebir û bi aqilane li vir bilîzin. Em êrîşên reqîb baş qontrol kirin. Ji ber performansa li vê maçê ez dilşad im.