Diyarname
Tîmê fûtbolî AEK serey 1993-94 de bîbî şampiyon û a rocî ra nat nêşkabî bibo şampiyon. Sera tam çarîk esrêke derbas bî û enka AEK reyna bî şampiyon.
Di Lîga Super a Yewnanistanî de di heftey mendê lîg biqediyo. Eyro AEK di Stadê Olimpiako de tîmê Levadiakos kerd meymanê xo. Di deqey 12'inan de Anastasios Bakasetas penaltî eyş û kerd gol. Di deqey 33 de reyna gol eyşt û tîmê xo 2-0 raver berd. Bi na joy AEK pûanê xo kerdî 66 û verî lîg biqediyo bi 2 hefteyan şampiyonî xo îlan kerd. Di rêzey diyinan de Paok esto ke pûanê ê 58 ê. Olympiakos ke 7 seriyo Yewnanistan de beno şampiyon di rêzey hîrinan de bi 54 pûanan ca gêno. AEK vernî ro serî Olympiakosî girot û qeybî xo jî dimay çarîk esrêke tarîx nist. Di Lîgey Yewnanistanî ya Super de AEK bî 12 rey beno şampiyon.