Diyarname

Di Koma H ya Kûpaya Cîhanê de îro maça yekem di navbera Kolombiya û Japonyayê de bû. Japonyayê bi 2-1 Kolombiya têk bir û 3 pûanên xwe girtin.

Li ser kaxiz Kolombiya ji Japonya bi avantajtir bû lê agahiyên li ser kaxiz û lîstina li nav sehayê her gav li hev nake, îro jî wisa bû: Di deqîqeya 6'an de Japonyayê penaltî bi dest xist û Kagawa tîma xwe bi 1-0 derxist pêş. Kolombiyayê di deqîqeya 39'an de bi Quintero bersiv da û nîveka yekemîn bi vî awayî bi dawî bû.

Di nîveka duyemîn de Japonya zêdetir pozîsyon bi dest xistin û di deqîqeya 73'Yan de ev firsend bikar anî: Osako li pêş kelehê bi serê xwe lê da û Japonya 2-1 bi pêş ket. Piştî vê golê ji firsendên ku lîstikvanên japon û kolombî bi dest xistin tu encam nehat girtin û maç bi vî awayî bi dawî bû. Bi vê yekê di tûrnûvayên Kûpaya Cîhanê de bû yekem car tîmek Asyayê tîmek Başûrê Amerîkayê têk dibe.

Maça duyem a Koma H di navbera Polonya û Senegalê de ye û maç saet 18'an de tê lîstin.

Êvarê jî maça Koma A heye ku di navbera mazûvan Rusya û Misirê de ye.

Di hevdîtinan yekem de Senegal bi ser ket

Di maça din a Koma H de Senegal û Polonya hatin hemberî hev. Di maça ku Senegal serketî bû de Senegalê bi 2-1 maç bi dest xis. Di deqîqeya 37'an Idrissa Guereye ji derveyî pêşkelehê li gogê da, gog li defansê Polonyayê li Thiago Cionek ket û bû gol. Nîveka yekem bi vÎ awayî bi dawî bû. Di nîveka duyemîn de vê carê Niang li ser navê tîma xwe gol avêt û encam kir 2-0. Polonyayê di deqîqeya 86'an de bi Grezeforz Krychowiak bersiv da lê ev gol têra wan nekir.

Di dîrokê de yekem car her du tîm hatin hemberî hev û di vê hevdîtina yekem de nûnerê Afrîkayê Senegal serketî ji maçê derket.

Senegal û Japonya xwedî sê pûanan in

Di Koma H de jî maçên yekemîn temam bûn. Piştî Japonyayê Senegalê jÎ 3 pûanên xwe girtin û avantaj bi dest xist.

**

Ji bo agahiyên berfirehtir fermo rûpela me ya taybet:
- RÛPELA TAYBET A KÛPAYA CÎHANÊ 2018