Diyarname
Fîlmê derhêner Ferzan Ozpetek ê bi navê "Raza Napolî" li ser navê Îtalyayê pêşberendamê Oscarê ye.
Welat yek bi yek ji nav fîlmên welatê xwe fîlman ji bo pêşberendamtiya Oscarê dişînin. Niha jî Îtalyayê fîlmekî şand ji bo Akademiyê. Îtalyayê fîlmê Ferzan Ozpetek ê bi navê "Raza Napolî" şand. Fîlmê ku ji serî heta dawî bi çîroka bi raz, rakêşan û azweriya eşqê tije ye dê li ser navê Îtalyayê bike ku bibe berendamê Oscarê.
Fîlm 26'ê meha kewçêrê dikeve vîzyonê. Heta niha li Îtalya, DYA, Almanya û Hong Kongê fîlm di festîvalan de hatiye nîşandayîn û hatiye ecibandin.
Fransayê çendek berê fîlmê Emmanuel Finkiel ê bi navê "Memoir of War", Tirkiyeyê fîlmê Nuri Bilge Ceylan ê bi navê "Ahlat Agaci" wekî pêşberendamê Oscarê şand ber destê Akademiyê.


